ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
बॅनर न्युज
...

शिवसेनेची तलवार ‘म्यान’; राजीनामे खिशातच सडले

विरोधकांनी घेतली राज्यपालांची भेट

मुंबई, दि. ६ - सत्तेत असूनही आजवर कर्जमाफीच्या मागणीसाठी सरकारला धारेवर धरणाऱ्या व खिशात राजीनामे घेऊन फिरणाऱ्या शिवसेनेने तूर्तास हा मुद्दा ‘म्यान’ केल्याचे दिसून येत आहे. 

दरम्यान, अधिवेशनाच्या पूर्वसंध्येला विधिमंडळाच्या दोन्ही सभागृहांचे विरोधी पक्षनेते राधाकृष्ण विखे पाटील, धनंजय मुंडे यांच्यासह काँग्रेस- राष्ट्रवादीच्या प्रमुख नेत्यांनी राज्यपाल सी. विद्यासागर राव यांची भेट घेऊन त्यांना शेतकरी कर्जमाफीच्या मागणीचे निवेदन दिले. ‘शेतकरी आत्महत्या थांबवण्यासाठी कर्जमाफी देण्याचे निर्देश सरकारला द्यावेत. राज्यपालांच्या अभिभाषणात कर्जमाफीबाबत घोषणा व्हावी,’ अशी मागणी विरोधकांनी केली आहे. 

राज्याचा अर्थसंकल्प येत्या १८ मार्चला सादर होईल. त्यात कृषी आधारित रोजगारावर भर राहील, अशी माहिती अर्थमंत्री सुधीर मुनगंटीवार यांनी दिली. राज्यात एकूण ४ कोटी ५५ लाख मजूर आहेत. त्यापैकी २ कोटी ६० लाख शेतीशी संबंधित आहेत. त्यामुळे कृषीआधारित रोजगार निर्मितीवर भर राहील.

शिवसेना-भाजपतील वाढत्या तणावाचा फायदा घेत राज्यातील सरकार अस्थिर करण्याचे डावपेच विरोधकांनी आखले होते. मात्र अधिवेशनाच्या दोन दिवस आधीच सत्ताधारी मित्रपक्षांमधला तणाव निवळल्याने हे संकट आता दूर झाले आहे. परिस्थितीचा अंदाज आल्यामुळे सरकारवर अविश्वास ठराव आणणार नसल्याचे जाहीर करण्याची वेळ विरोधकांवर आली आहे.