ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
बॅनर न्युज
...

मुक्ता टिळक होणार पुण्याच्या महापौर

श्रीनाथ भिमाले गटनेते होणार

पुणे, दि. ६ - भारतीय जनता पक्षाच्या मुंबईत रविवारी झालेल्या बैठकीत पुण्याच्या महापौर पदासाठी ज्येष्ठ नगरसेविका मुक्ता टिळक यांचे नावावर शिक्कामोर्तब झाले आहे. त्याचबरोबरच गटनेतेपदी श्रीनाथ भिमाले यांचे नावही निश्चित झाले आहे.

महापालिका निवडणुकीत भारतीय जनता पक्षाला घवघवीत यश मिळाले. एकूण १६२ पैकी ९८ जागांवर विजय मिळवित पक्षाने स्पष्ट बहुमत मिळविले. विरोधी पक्षनेते पद वगळून अन्य सर्व पदेही भाजपला मिळणार असल्यामुळे महापौर, उपमहापौर पदासह, स्थायी समिती या महत्त्वाच्या पदासाठी पक्षातील इच्छुकांमध्ये जोरदार चुरस निर्माण झाली होती. महापौर पदासाठीचे आरक्षण हे खुल्या महिला सर्वसाधारण गटासाठी पडले होते. भाजपकडूनही येत्या दोन दिवसांमध्ये नावनिश्चिती करण्यात येईल, असे स्पष्ट करण्यात आले होते. त्यानुसार मुंबई येथे झालेल्या बैठकीत महापौर पदासाठी टिळक यांचे, तर गटनेते पदासाठी श्रीनाथ भिमाले यांचे नाव निश्चित करण्यात आल्याची माहिती भाजपच्या सूत्रांकडून देण्यात आली. 

महापौरपदाच्या या अडीच वर्षांच्या कार्यकाळासाठी ज्येष्ठ नगरसेविका मुक्ता टिळक यांच्याबरोबरच रंजना टिळेकर, मानसी देशपांडे, माधुरी सहस्त्रबुद्धे, वर्षां तापकीर यांची नावे चर्चेत होती. निवडणुकीनंतर भाजपने पुरस्कृत केलेल्या अपक्ष उमेदवार रेश्मा भोसले यांना महापौर पदावर बसविण्यासाठी सहयोगी खासदार संजय काकडे यांनी हालचाली सुरु केल्या होत्या. त्यामुळे पक्षात काही काळ नाराजी व्यक्त होत होती. यातच काकडे यांनीही टिळक यांच्या नावाला पाठिंबा दिला होता.  मुक्ता टिळक या लोकमान्य टिळक यांचे पणतू शैलेश टिळक यांच्या पत्नी आहेत.

गटनेतेपदी राज्यमंत्री दिलीप कांबळे यांचे बंधू सुनील कांबळे, श्रीनाथ भिमाले, हेमंत रासने यांची नावे चर्चेत होती. टिळक या चौथ्यांदा महापालिकेत निवडून गेल्या असून यापूर्वी त्यांनी गटनेते म्हणूनही काम पाहिले आहे. महापौर पदासाठी येत्या पंधरा मार्च रोजी निवडणूक होणार असून आठ मार्चपासून उमेदवारी अर्जाची स्वीकृती करण्यात येणार आहे.