ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
बॅनर न्युज
...

कंटेनर उलटल्याने द्रुतगती मार्गावरील वाहतूक विस्कळीत

लोणावळा, दि. ७ - पुणे मुंबई द्रुतगती मार्गावर मुंबईच्या दिशेने जाणाऱ्या कंटेनर चालकाचे नियंत्रण सुटल्याने कंटेनर घाटातच उलटला. हा अपघात आज सकाळी साडे आठच्या सुमारास अमृतांजन पुलाखाली झाला. या अपघातामुळे मुंबईच्या दिशेने जाणारी वाहतूक दोन तास विस्कळीत झाली होती.

पोलिसांनी दिलेल्या माहितीनुसार पुण्याकडून मुंबईच्या दिशेने कंटेनर (क्र.एम.एच.04 एचडी 9871) जात होता. कंटेनर चालकाचा ताबा सुटल्याने अमृतांजन पुलाच्या कठड्याला धडकून तो रस्त्याच्या मधोमध पलटी झाला. या अपघातात कंटेनर चालकाला किरकोळ मार लागला. मात्र कंटेनर अमृतांजन पुलाच्या बरोबर खाली रस्त्याच्या मधोमध आडवा झाल्याने या मार्गाने मुंबईकडे जाणाऱ्या दोन लेन वाहतुकीस पूर्ण बंद झाल्या. त्यामुळे  मुंबईकडे जाणारी वाहतूक ठप्प झाली. 

खंडाळा आणि बोर घाट महामार्ग पोलिसांनी घटनास्थळी येऊन एका लेनची मुंबईकडे जाणारी वाहतूक सुरु केली. तर दुसरीकडे वळवण गावातील सेंटर पॉईंट येथून द्रुतगती मार्गावरील वाहतूक जुन्या मुंबई पुणे महामार्गाने मुंबईच्या दिशेने वळविण्यात आली. यामुळे लोणावळा शहरातही लोणावळेकर नागरिकांना आणि प्रवाशांना काही काळ या वाहतूक कोंडीचा सामना करावा लागला.

महामार्ग पोलिसांनी अकराच्या सुमारास अपघातग्रस्त कंटेनर एक पुलर आणि एका क्रेनच्या मदतीने महामार्गावरून बाजूला करून वाहतूक पूर्ववत करण्यात आली.