ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
बॅनर न्युज
...

बचतगटांना वाहनतळाचे कंत्राट देण्याचा प्रस्ताव धूळखात

पिंपरी, दि. ८ (प्रतिनिधी) - पिंपरी-चिंचवड महापालिका हद्दीतील सशुल्क वाहनतळ (पे अँड पार्क) योजनेची कंत्राटे महिला बचतगटांना देण्याचा निर्णय महिला व बालकल्याण समितीने घेतला होता. त्यासाठी केरळचा दौरा करत त्याच धर्तीवर हा उपक्रम राबविण्याचे प्रस्तावित करण्यात आले होते. मात्र, राजकीय उदासिनतेमुळे हा प्रस्ताव धूळखात पडला आहे. 

मागील पंचवार्षिकमध्ये महिला व बालकल्याण समिती सभापती गीता मंचरकर यांनी समितीचा केरळ येथे अभ्यास दौरा काढला होता. केरळमध्ये महिला बचतगटांना रोजगार उपलब्ध व्हावा यासाठी तेथील वाहनतळ बचतगटांना चालविण्यास देण्यात आले आहेत. याखेरीज नारळाच्या झाडापासून विविध वस्तू तयार करुन त्यासाठी बचतगटांना उपलब्ध करुन दिली जाते. हे उपक्रम पिंपरी महापालिकेच्या महिला व बालकल्याण समिती सदस्यांच्या पसंतीस उतरले. मात्र, केरळमध्ये नारळाची झाडे सहजगत्या उपलब्ध होतात. पिंपरी-चिंचवडमध्ये ही अशक्‍य बाब असल्याने बचतगटांना वाहनतळ चालविण्यास देण्याची योजना प्रत्यक्षात आणण्याचा संकल्प महिला व बालकल्याण समितीने सोडला. समितीच्या बैठकीत या प्रस्तावाला मंजुरी देखील देण्यात आली. मात्र, पुढे काहीही झाले नाही. 

देशातील अन्य शहरांच्या तुलनेत पिंपरी-चिंचवडमधील लोकसंख्या वाढीचा वेग सर्वाधिक आहे. लोकसंख्येसोबतच वाहनांची संख्याही दिवसेंदिवस वाढत आहे. अशा परिस्थितीत महिला बचत गटांना पे अँड पार्क योजनेतील वाहनतळ चालविण्यास दिल्यास त्यांना कायमस्वरुपी चांगल्या पध्दतीचा रोजगार मिळू शकेल. शहरात सुमारे बारा हजार नोंदणीकृत बचतगट आहेत. महापालिकेच्या मिळकती, रुग्णालये तसेच शहरातील विविध भागात सुमारे १८ वाहनतळ आहेत. त्यापैकी काही वाहनतळ कंत्राटी पध्दतीने खासगी ठेकेदारांना चालविण्यास देण्यात आले आहेत. 

भविष्यात महापालिकेकडून मोक्‍याच्या अन्य काही ठिकाणी सशुल्क वाहनतळ सुरु करण्याचे प्रस्तावित आहे. त्यामुळे वाहनतळांच्या कंत्राटाच्या माध्यमातून महिला बचतगटांसाठी रोजगाराचा चांगला पर्याय उपलब्ध होणार आहे. महापालिकेत सत्तांतर झाले आहे. त्यामुळे परिवर्तनाची दवंडी पिटणाऱ्या भाजपच्या कारभाराकडे महिला बचतगटांचे लक्ष लागले आहे.