ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
बॅनर न्युज
...

निगडी ते दापोडी बीआरटीएस मार्ग दुचाकी वाहनांसाठी खुला होणार

पिंपरी, दि. १६ – निगडी ते दापोडी या रस्त्यावर उभारलेला  बीआरटीएस मार्ग दुचाकी चालकांसाठी खुला करण्याचा निर्णय पिंपरी-चिंचवड महापालिकेने घेतला आहे. लोखंडी रेलिंग उभे करून बीआरटी बससाठी स्वतंत्र मार्ग तयार करण्यात आला आहे. परंतु, गेल्या चार वर्षांपासून या मार्गावर बीआरटी बस सुरू करता न आल्यामुळे तो बंद ठेवण्यात आला आहे. वाहनचालकांची होणारी गैरसोय लक्षात घेऊन बीआरटी बस सुरू होईपर्यंत हा मार्ग दुचाकीचालकांसाठी खुला करण्याची मागणी आयुक्त दिनेश वाघमारे यांच्याकडे होत होती. त्यानुसार निगडी ते दापोडी या रस्त्यावरील बीआरटी मार्ग येत्या सोमवारपासून (दि. २०) दुचाकी वाहनांसाठी खुला करण्यात येणार आहे, अशी माहिती सहशहर अभियंता राजन पाटील यांनी दिली.

निगडी ते दापोडी या रस्त्यावर नागरिकांच्या सुरक्षिततेच्या दृष्टीने बीआरटीएस बससेवा विनाअडथळासुरू करणे प्रशासनासाठी जिकीरीचे बनले आहे. नाशिक पाटा येथील उड्डाणपुलावरून बीआरटीएस थांब्याकडे ये-जा करण्यासाठी सध्या पूल बांधण्याचे काम सुरू आहे. तसेच महापलिका मुख्यालयासमोरील रस्त्याचे रुंदीकरण, पादचारी मार्गाच्या विकसनाचे काम सुरू आहे. या दोन्ही कामांमुळे निगडी ते दापोडी रस्त्यावरील बीआरटीएस मार्ग सुरू होण्यास विलंब होत आहे. बीआरटीएसच्या उर्वरित मार्गाच्या बाजूने लोखंडी रेलिंग उभारून हा मार्ग बंद ठेवण्यात आला आहे. त्यामुळे निगडी ते दापोडी रस्त्यावर सर्व प्रकारच्या वाहनांना वाहतूककोंडीचा सामना करावा लागत आहे.

गेल्या चार वर्षांपासून वाहनचालकांना हा त्रास सहन करावा लागत आहे.  बीआरटीएस बससेवा सुरू झाल्यानंतर या मार्गावर कोणत्या वाहनांना प्रवेश द्यायचा याबाबत फेरविचार करून तसा निर्णय घेण्यात येणार आहे. आयुक्त वाघमारे यांनी निगडी ते दापोडी या रस्त्यावर उभारण्यात आलेला बीआरटीएस मार्ग दुचाकीवाहनांसाठी खुला करण्याचे आदेश अधिकाऱ्यांना दिले आहेत. त्यामुळे हा बीआरटीएस मार्ग येत्या सोमवारपासून (दि. २०) दुचाकी वाहनांसाठी खुला करण्यात येणार आहे, अशी माहिती सहशहरअभियंता राजन पाटील यांनी दिली.