ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
बॅनर न्युज
...

...काढले रे काढले शिवसेनेला वेड्यात काढले ! - विरोधकांचे शिवसेनेला टोमणे

मुंबई, दि. १८ - विधीमंडळाचे प्रवेशद्वार विरोधकांनी फसवले…रे फसवले शिवसेनेला फसवले आणि काढले रे काढले वेड्यात काढले.. अशा घोषणांनी दणाणून सोडले. शिवसेनेने शेतकऱ्यांच्या कर्जमाफीच्या मुद्यावर विरोधकांच्या बरोबरीने सभागृहात आणि सभागृहाबाहेर आंदोलन केले. विरोधकांच्या गदारोळामुळे सभागृह १२ वाजेपर्यंत तहकूब करण्यात आले.

शेतकऱ्यांच्या कर्जमाफीबाबत शिवसेनेच्या मंत्र्यांसह मुख्यमंत्र्यांनी दिल्लीला शिष्टमंडळ नेले. मात्र शेतकऱ्यांना आश्वासनांपलीकडे काहीही मिळाले नाही. शिवसेनेला थोपवण्यासाठी मुख्यमंत्र्यांनी ही खेळी खेळल्याचा आरोप विरोधकांनी केला. शिवसेनेसह ही राज्याच्या जनतेची चक्क फसवणूक असल्याचे राष्ट्रवादीचे आमदार शशिकांत शिंदे यांनी म्हटले आहे.

शेतकऱ्यांच्या कर्जमाफीवर विरोधकांसह शिवसेनेच्या आमदारांनीही गेले २ आठवडे कामकाज चालू दिले नाही. मात्र आज बजेट सादर होणार असून सेनेचे नेते आणि अर्थराज्य मंत्री दीपक केसरकर यांना विधानपरिषदेत अर्थसंकल्प मांडायचा आहे. शिवसेना शेतकऱ्यांच्या कर्जमाफीच्या मुद्यावर अद्यापही कायम असल्याचे सेनेचे गटनेते आणि सार्वजनिक बांधकाम मंत्री एकनाथ शिंदे यांनी सांगितले.

स्वाभिमानी शेतकरी संघटनेचे नेते आणि पणन राज्यमंत्री सदाभाऊ खोत विधिमंडळाच्या पायऱ्यांवर विरोधकांची घोषणाबाजी सुरू असताना विधानमंडळ आवारात आले. मात्र विरोधकांचा आवेश आणि घोषणाबाजी पाहून त्यांनी आपला मार्ग बदलला. दरम्यान विधानसभेचे कामकाज सुरू होताच सभागृहात विरोधी पक्षांनी जोरदार घोषणाबाजी केली. विरोधक वेलमध्ये उतरल्यानंतर शिवसेनेचे आमदार सदानंद चव्हाण, अनिल कदम आणि बालाजी किणीकर हेही वेलमध्ये उतरले.

शेतकऱ्यांची कर्जमाफी झाल्याशिवाय सभागृहात बजेट मांडू दिले जाणार नाही अशी गर्जना करणाऱ्या शिवसेनेला आता आपल्या तलवारी म्यान कराव्या लागत असल्याचे चित्र आहे. मात्र विरोधकांसह वेलमध्ये उतरून सेनेच्या काही आमदारांनी अद्याप आंदोलन जिवंत ठेवले आहे.