ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
बॅनर न्युज
...

पेट्रोल चोरीच्या रॅकेटमधील मास्टरमाईंडला अटक

ठाणे, दि. १२ - पेट्रोल पंपावर मायक्रो चिप्स लावून पेट्रोल चोरी करणाऱ्या टोळीतील मुख्य आरोपीला ठाणे पोलिसांनी अटक केली. प्रकाश नुलकर (वय ५६, रा. लोअर परेल) असे आरोपीचे नाव असून, ठाणे गुन्हे अन्वेषण विभागाने हुबळी येथून त्याला अटक केले आहे. प्रकाश हा मिडको पेट्रोल पंप मशीन तयार करणाऱ्या कंपनीत कार्यरत होता. या कंपनीतून काम सोडल्यानंतर तो पेट्रोल पंपावरील पेट्रोल चोरीत सक्रिय झाला. पेट्रोल पंपावर मायक्रो चिप्स बसवण्याच्या कामासाठी तो ५० हजार पासून १ लाख ५० इतकी रक्कम घेत होता.

इलेक्ट्रॉनिक चीपद्वारे पेट्रोल पंपावरील मापकात फेरफार करून ग्राहकांची फसवणूक होत असल्याचं सर्वप्रथम उत्तर प्रदेशात उघडकीस आलं होतं. या घोटाळ्याचं कनेक्शन ठाणे व डोंबिवलीशी असल्याचं चौकशीतून पुढं आलं. त्यामुळं चांगलीच खळबळ उडाली. या घोटाळ्याची माहिती मिळताच ठाणे पोलिसांनी राज्यभरात छापासत्र सुरू केलं. एकट्या ठाणे जिल्ह्यात अवघ्या दीड महिन्यात ९८ पेट्रोल पंप सील करण्यात आले. याच कारवाईदरम्यान ठाणे पोलिसांच्या गुन्हे शाखेनं विवेक शेट्येला अटक केली. त्यानंच ह्या चिप देशभरातील पेट्रोल पंपावर पुरवल्याचं व प्रशांत नूलकर हा यात सामील असल्याचं चौकशीत समोर आलं होतं. त्यावरून पोलिसांनी नूलकर याला अटक केली.

पेट्रोल व डिझेल मापकातील बदलामुळं ग्राहकाला लिटरमागे जवळपास २० मिली इंधन कमी दिलं जायचं. मात्र, मशीनवर योग्य तोच आकडा दिसत असल्यानं ग्राहकाला संशय यायचा नाही आणि तो फसवला जायचा. अशा पद्धतीनं एका पंपावर दिवसभरात शंभरहून अधिक लिटर इंधनाची चोरी व्हायची.