ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
बॅनर न्युज
...

पुणे-मुंबई द्रुतगती मार्गावरून ट्रेलर दरीत कोसळला

पिंपरी, दि. १३ - पुणे-मुंबई द्रुतगती मार्गावर भरधाव वेगाने मुंबईच्या दिशेने जाणारा ट्रेलर चालकाचा गाडीवरील ताबा सुटल्याने सुरक्षा रेलिंग तोडून सुमारे शंभर फूट खोल दरीत कोसळला. खंडाळा पोलीस प्रशिक्षण केंद्राच्या मागील बाजूला ही घटना आज गुरुवारी पहाटे साडेपाच वाजण्याच्या सुमारास घडली. सुदैवाने या अपघातात कोणतीही जिवितहानी झाली नाही.

महामार्ग पोलिसांनी दिलेल्या माहितीनुसार (एमएच ०४ ईएल ९६३४) क्रमांकाचा ट्रेलर रिकामा कंटेनर घेऊन पुण्याहून मुंबईच्या दिशेने जात असताना हा अपघात झाला. घटनास्थळावर ट्रेलरचा चालक नसल्याने अपघात नेमका कसा झाला हे समजू शकले नाही. मात्र, रस्त्याच्या कडेची सुरक्षा रेलिंग मोठ्या प्रमाणात तोडत सदर ट्रेलर दरीत पडला त्यावरील कंटेनर रस्त्याच्या कडेला पडल्याने वाहतूक कोंडी झाली नाही.

घटनेची माहिती समजताच खंडाळा महामार्ग पोलीस, लोणावळा शहर पोलीस आयआरबीचे अधिकारी कर्मचारी यांनी दरीत सर्वत्र शोध घेतला असता चालक मिळून आलेला नाही. तसेच गाडीच्या केबिनला कोठेही रक्त नसल्याने चालकाने ट्रेलर दरीत पडण्यापूर्वी गाडीतून उडी मारून पलायन केले असावे, असा अंदाज आहे. सकाळी साडेनऊ वाजण्याच्या सुमारास द्रुतगती मार्गाने मुंबईकडे जाणारी वाहतूक वलवण गावापासून राष्ट्रीय महामार्गावर वळवत सदरचा ट्रेलर बाजूला काढण्यात आला.