ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
बॅनर न्युज
...

महाराष्ट्र झाला ओलाचिंब; नद्यांना पूर

पिंपरी, दि. १४ - गेले दोन पावसाने चांगलाच जोर पकडला असून, राज्यातील धरणसाठ्यांत चांगलीच वाढ झाली आहे. अनेक नद्यांना पूर आले आहेत. आज आणि उद्याही जोरदार पावसाची शक्यता व्यक्त करण्यात आली आहे. नागरिकांनी नदी आणि नाल्यांच्या परिसरात फिरू नये असे आपत्ती व्यवस्थापनाने कळवले आहे.

गुरूवारी रात्रीपासून जोरदार कोसळणाऱ्या पावसाने नाशिकला अक्षरश: झोडपून काढले आहे. पावसाने नॉन स्टॉप बॅटींग सुरू ठेवल्याने गोदावरी नदीला पूर आला असून दुतोंड्या मारूतीच्या कमरेपर्यंत पाणी आल्याने नाशिकची दाणादाण उडाली आहे. याशिवाय दारणा आणि भाम नद्यांनीही धोक्याची पातळी ओलांडली आहे. पावसाअभावी खरीप व भाजीपाल्याचे पिके संकटात सापडली होती. त्यांना या पावसाने जीवदान मिळाले आहे.

रायगडमधील आंबानदीने धोक्याची पातळी ओलांडली आहे. तर नागोठणे शहराला पुराचा तडाखा बसला आहे. शुक्रवारी सकाळी आठ वाजेपर्यंतच्या २४ तासांत जिल्ह्यात सरासरी ९८ मिलीमिटर पावसाची नोंद झाली. पेण, कर्जत, खालापूर, सुधागड, माणगाव, महाड पोलादपूरसह माथेरान परिसराला पावसाने झोडपून काढले. पेण येथे २४० मिमी, कर्जतमध्ये २३६ मिमी, माथेरानमध्ये १९९ मिमी, सुधागड येथे १५५ मिमी, खालापूर येथे १४४ मिमी तर रोहा येथे ९६ मिमी पावसाची नोंद झाली. संततधार पावसामुळे जिल्ह्यातील नद्यांच्या पातळीत मोठी वाढ झाली. आंबा नदीने पहाटे पाचच्या सुमारास धोक्याची पातळी ओलांडली. त्यामुळे नागोठणे शहराला पुराचा तडाखा बसला. दरम्यान येत्या २४ तासांत जिल्ह्यात पावसाचा जोर कायम राहील असा अंदाज प्रादेशिक हवामान विभागाने वर्तवला आहे.