ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

साडी नेसून आलेल्या विदयार्थिनींना देता येणार नाही नीट परीक्षा

नवी दिल्ली, दि. ६ - ७ मे रोजी देशभरातील वैद्यकीय महाविद्यालयांमध्ये एमबीबीएस आणि दंतवैद्यक अभ्यासक्रमाच्या प्रवेशासाठी सीबीएसईचीनीटही प्रवेशपूर्व परीक्षा होणार असून सीबीएसईने यासाठी ड्रेसकोडसह अनेक दिशानिर्देश जारी केले असून त्यांचे पालन केल्यास परीक्षेपासून वंचित राहावे लागू शकते. कॉपीच्या प्रकारांना आळा घालण्यासाठीही सीबीएसईने अनेक नियम बनवले आहेत. यात विद्यार्थ्यांनी काय घालावे, सोबत काय आणावे आणि काय नाही, याविषयी सल्ला दिला आहे.

या परीक्षेचे देशभरातील १०३ केंद्रांवर आयोजन करण्यात आले असून यंदा इंग्रजीसह अन्य नऊ प्रादेशिक भाषांमध्येही ही परीक्षा देता येणार आहे. यामध्ये हिंदी, इंग्रजी, आसामी, बांगला, गुजराती, मराठी, कन्नड, ओडिया, तमिळ आणि तेलुगूचाही समावेश आहे.

सीबीएसईने नीट परीक्षेसाठी विद्यार्थ्यांनी परिधान करावयाच्या कपड्यांबाबत कठोर नियम बनवले आहेत. विद्यार्थिनी परीक्षेत साडी घालून तसेच मेंदी लावून येऊ शकणार नाहीत. विद्यार्थ्यांना हवाई चप्पल किंवा सँडल, हाफ बाह्यांचे टी-शर्ट किंवा शर्ट, ट्राऊझर, लेगिंग्स, लोवर, प्लाझो, हाफ बाह्याची कुर्ती, टॉप घालता येईल. मोठ्या बटणाचे किंवा फुलांचे चित्र असलेल्या कपड्यांवर बंदी आहे.

विवाहित महिलांना या परीक्षेसाठी मंगळसूत्र घालण्याची परवानगी आहे. मात्र, बुरखा किंवा साडी परिधान करता येणार नाही. ताईत, ब्रेसलेट, कृपाणसारख्या वस्तू जवळ बाळगता येणार नाहीत. शिवाय पर्स, क्रेडिट-डेबिट कार्ड, लॉकेट, बूट, पूर्ण बाह्यांचे शर्ट, घड्याळ, उन्हापासून बचाव करणारे चष्मे, हेअरक्लिप, रबरबँड, बेल्ट, बांगड्यासुद्धा घालता येणार नाही.

सीबीएसईने नीटसाठी खास पेन तयार केला असून परीक्षा केंद्रावर प्रवेशपत्र दाखवल्यानंतर हा पेन विद्यार्थ्याला दिला जाईल. हा पेन फक्त नीट परीक्षेसाठीच तयार करण्यात आला असल्याने बाजारात कुठेही मिळणार नाही.