ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

शांत भारताला डिवचू नका, पाकला अमेरिकन सिनेटरचा इशारा

वॉशिंग्टन, दि. १० (वृत्तसंस्था) - अमेरिकेतील एका सिनेटरने पाकिस्तानला भारतीय सैनिक आणि नागरिकांवर आणखी हल्ले झाले तर भारत शांत बसणार नाही, असा इशारा दिला आहे. यासंदर्भात भाष्य डेमॉक्रॅटिक पक्षाचे गटनेते जो क्राऊली यांनी केले आहे. पाक पुरस्कृत दहशतवाद्यांच्या गेल्या काही महिन्यांपासून सुरू असलेल्या कारवायांमुळे सध्या भारत-पाकिस्तान सीमेवरील वातावरण प्रचंड तणावपूर्ण आहे. ट्रम्प प्रशासनाने ही परिस्थिती नियंत्रणात आणण्यासाठी पाकिस्तानवर दबाव आणला पाहिजे, अशी मागणी क्राऊली यांनी केली. हिंसक आणि कट्टरतावादी दहशतवादी संघटनांना पाकिस्तानने आवर घालण्याची गरज आहे. अन्यथा भारत त्यांच्या सैनिक आणि नागरिकांवर हल्ले होत राहिल्यास शांत बसणार नाही, असे क्राऊली यांनी म्हटले.

द्विपक्षीय चर्चेच्या माध्यमातून या सगळ्या वादावर तोडगा काढण्याची गरज असून अमेरिका या सगळ्यात दोन्ही देशांचा मित्र म्हणून मध्यस्थी करू शकते. अमेरिकेकडून या परिसरात शांतता आणि सलोखा प्रस्थापित करण्यासाठी दोन्ही देशांवर दबाव आणला जाऊ शकतो, असेही क्राऊली यांनी सांगितले. या परिसरासाठीचे धोरण निश्चित करताना भारत आणि अफगाणिस्तान यांच्यातील ऐतिहासिक संबंधांचा प्रामुख्याने विचार झाला पाहिजे.

ट्रम्प प्रशासनाचे भारत, पाकिस्तान किंवा अफगाणिस्तानसंदर्भात काय धोरण आहे, याची मला कल्पना नाही. पण, जे काही धोरण अमेरिकेकडून ठरवण्यात येईल ते स्पष्ट आणि माझ्यासारख्या या परिसराची काळजी असणाऱ्या लोकांना समजेल, एवढीच आपली आशा असल्याचे क्राऊली यांनी सांगितले. या धोरणात दहशतवादाशी एकत्रित लढा देण्याबरोबरच परिसरात शांतता आणि स्थैर्य प्रस्थापित करण्याच्या मुद्द्यांचा अंतर्भाव असायला पाहिजे, असेही क्राऊली यांनी सांगितले.