ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

योग आणि युद्धाचे एकाचवेळी समर्थन करतो – बाबा रामदेव

नवी दिल्ली, दि. ११ - भारतात योग आणि युद्धाच्या एकीकरणामुळे आनंद पसरेल आणि पाकिस्तानातील दहशतवाद्यांचा खात्मा होईल, असे योगगुरु रामदेव बाबा यांनी म्हटले असून योग आणि युद्धाचे मी एकाचवेळी समर्थन करतो, असे देखील रामदेव बाबा म्हणाले. रामदेव बाबा यांनी हे विधान भारत आणि पाकिस्तानमधील संबंध ताणले गेल्याच्या पार्श्वभूमीवर केले आहे.

रामदेव बाबा यांनी योग आणि युद्धाचे समर्थन करताना या दोन्ही गोष्टी एकाचवेळी व्हायला हव्यात असे म्हटले. हिंदुस्तानात योग व्हावा आणि सीमेवर पाकिस्तानासोबत योग आणि युद्ध व्हावे. योग केल्याने हिंदुस्तानात आनंद पसरेल आणि सीमेवरील योग आणि युद्धामुळे पाकिस्तानमधील दहशतवाद्यांना कंठस्नान घालता येईल, असे रामदेव बाबा यांनी म्हटले.

सध्या मोठ्या प्रमाणात भारत आणि पाकिस्तानमधील संबंध ताणले गेले आहेत. दोन्ही देशांमधील संवादाची दरी कुलभूषण जाधव प्रकरण आणि सीमारेषेवरील वाढता तणाव यामुळे रुंदावली आहे. वारंवार पाकिस्तानकडून सीमारेषेवर शस्त्रसंधीचे उल्लंघन करण्यात येत आहे. भारतीय जवान त्यामध्ये शहीद होत असल्याने देशात संतापाचे वातावरण आहे. त्यातच काही दिवसांपूर्वी पाकिस्तानी सैन्याने दोन भारतीय जवानांच्या मृतदेहांची विटंबना केल्याने भारतीयांमध्ये संतापाची भावना आहे.

पाकिस्तानने कुलभूषण जाधव प्रकरणातही आडमुठी भूमिका घेतली आहे. कुलभूषण जाधव यांना पाकिस्तानच्या लष्करी न्यायालयाने फाशीची शिक्षा ठोठावली आहे. १६ वेळा कॉन्स्युलर अॅक्सेससाठी भारताने विनंती करुनही भारतीय राजदूतांना जाधव यांना भेटण्याची परवानगी पाकिस्तानने नाकारली आहे. पाकिस्तानच्या या आडमुठ्या भूमिकेला आंतरराष्ट्रीय न्यायालयानेदेखील चपराक लगावली आहे. कुलभूषण जाधव यांना सुनावण्यात आलेल्या फाशीच्या शिक्षेला स्थगिती दिली आहे. पाकिस्ताने हेरगिरीच्या आरोपाखाली कुलभूषण जाधव यांनी फाशीची शिक्षा सुनावली आहे.