ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

कसाबपेक्षाही मोठा दहशतवादी कुलभूषण जाधव – परवेझ मुशर्रफ

नवी दिल्ली,दि. २० (वृत्तसंस्था) - आंतरराष्ट्रीय न्यायालयाने भारतीय नौदलाचे माजी अधिकारी कुलभूषण जाधव यांच्या फाशीला स्थगिती दिल्याने पाकिस्तानचा जळफळाट झाला असून पाकिस्तानी नेत्यांची या निर्णयावर आगपाखड सुरू असतानाच आता माजी अध्यक्ष परवेझ मुशर्रफ यांनीही तारे तोडले आहेत. भारताने २००८ मध्ये मुंबईवर झालेल्या हल्ल्यात फासावर चढवलेल्या अजमल कसाबपेक्षा कुलभूषण जाधव हे मोठे दहशतवादी असल्याचे ते बरळले आहेत. अजमल कसाब हा एक दहशतवादीच होता, अशी कबुलीच त्यांच्या अशा बरळण्याने अप्रत्यक्षपणे दिली आहे. 

हेग येथील आंतरराष्ट्रीय न्यायालयाने अंतिम निकाल येईपर्यंत कुलभूषण जाधव यांच्या फाशीच्या शिक्षेची अंमलबजावणी करण्यात येऊ नये, असा निर्णय दिला आहे. पाकिस्तानने न्यायालयाच्या या निर्णयानंतर आगपाखड करण्यास सुरूवात केली आहे. पाकिस्तानच्या परराष्ट्र मंत्रालयाने न्यायालयाचा हा निर्णय अमान्य असल्याचे म्हटले होते. या निर्णयानंतर पाकिस्तानचे अनेक नेतेही न्यायालयावर राग व्यक्त करत आहेत. पाकिस्तानचे माजी अध्यक्ष परवेझ मुशर्रफ यांनीही आता या निर्णयाला विरोध दर्शवला आहे. मुंबई हल्ल्याप्रकरणी भारताने फासावर लटकवलेल्या अजमल कसाबपेक्षाही कुलभूषण जाधव मोठे दहशतवादी आहेत, असे मुशर्रफ म्हणाले आहेत. कसाब हा फक्त प्यादा होता. पण जाधव यांचा अनेक दहशतवादी कारवायांमध्ये हात असू शकतो. अनेकांचा त्यांनी बळी घेतला असावा. मग सर्वात मोठा गुन्हेगार कोण? असे अजब तर्कट त्यांनी मांडले.