ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

उत्तर प्रदेशमध्ये प्राप्तिकर विभागाचे सनदी अधिकाऱ्यांच्या घर, कार्यालयांवर छापे

नवी दिल्ली, दि. २४ (वृत्तसंस्था) - आज प्राप्तिकर विभागाने उत्तर प्रदेशच्या सनदी अधिकाऱ्यांवर मोठी कारवाई केली असून राज्यातील वरिष्ठ आयएएस अधिकाऱ्यांसहित अधिकाऱ्यांच्या २२ ठिकाणांवर छापे टाकण्यात आले. हे छापे मेरठ, बागपत, दिल्ली, नोएडा आणि गाझियाबाद येथे मारण्यात आले. गाझियाबादचे तत्कालीन जिल्हाधिकारी विमल शर्मा यांच्या घरावरही छापे मारण्यात आले. सध्या नोएडा अथॉरिटीमध्ये शर्मा हे अतिरिक्त मुख्य कार्यकारी अधिकारी म्हणून कार्यरत आहेत.

प्राप्तीकर अधिकाऱ्यांनी त्याचबरोबर मेरठच्या आरटीओ ममता शर्मा त्यांचे पती विमलकुमार, बागपतचे तत्कालीन जिल्हाधिकारी हृदय शंकर तिवारी यांच्या घरावरही छापा मारला आहे. उत्तर प्रदेशच्या आरोग्य विभागात तिवारी सध्या कार्यरत आहेत. आपल्या निवेदनात छापा मारल्याच्या वृत्तास प्राप्तिकर विभागाने दुजोरा दिला आहे. यूपी सरकारमधील नोकरशहाशी निगडीत प्रकरणांसाठी ही छापेमारी करण्यात आल्याचेही त्यांनी म्हटले.

याबाबत प्राप्तिकर विभागाने दिलेल्या माहितीनुसार, आयएएस अधिकारी हृदय शंकर तिवारी यांच्याविरोधात दिल्ली, लखनऊ, मेरठ, बागपत, ग्रेटर नोएडासहित ठिकाणी छापा टाकण्यात आला. आयएएस अधिकारी विमलकुमार शर्मा आणि त्यांची पत्नी ममता शर्मा यांच्या मेरठ, नोएडा आणि मेनपुरी येथील सुमारे जागांवर छापे मारण्यात आले. राज्याचे विशेष सचिव (तुरूंग) सत्येंद्र कुमार यांच्याही लखनऊ आणि नोएडा सहित जागांवर छापा टाकण्यात आला. सर्व ठिकाणी तपास सुरू आहे.