ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

अमित शहांनी माझ्याविरुद्ध निवडणूक लढवून दाखवावी – असदुद्दीन ओवेसी

हैदराबाद, दि. २६ (वृत्तसंस्था) - भाजपचे राष्ट्रीय अध्यक्ष अमित शहा यांना आपल्याविरुद्ध निवडणूक लढवून दाखवण्याचे आव्हान एमआयएमचे खासदार असदुद्दीन ओवेसी यांनी दिले आहे. ओवेसी अमित शहा यांच्या नुकत्याच झालेल्या तेलंगणा दौऱ्याच्या पार्श्वभूमीवर प्रसारमाध्यमांशी बोलत होते. आपल्या दौऱ्यादरम्यान अमित शहा यांनी २०१९ साली तेलंगणात होऊ घातलेल्या विधानसभा निवडणुकीत भाजप सत्तेवर येईल, असे विधान केले होते. असदुद्दीन ओवेसी यांनी या विधानाचा समाचार घेताना हैदराबादमधून आपल्याविरुद्ध अमित शहा यांना निवडणूक लढवण्याचे आव्हान दिले. तसेच आमचा पक्ष सिकंदराबाद लोकसभा मतदारसंघातही भाजपला अस्मान दाखवण्याची काळजी घेईल, असेही त्यांनी सांगितले.

माझे शब्द पंतप्रधान नरेंद्र मोदी आणि अमित शहा यांनी लक्षात ठेवावे. तुम्हाला हैदराबादची जनता तुमची जागा दाखवून देईल. भाजपच्या उमेदवाराचे गोशामहल विधानसभा मतदारसंघात डिपॉझिट जप्त होईल. तर अंबरपेट, मुर्शिदाबाद, खैरताबाद आणि उप्पलमध्येही भाजपला पराभवाचे तोंड पाहावे लागेल. एकुणच तेलंगणात भाजपचा मोठा पराभव होईल, असा दावा ओवेसी यांनी केला.

याशिवाय, भाजपचा २०१९ मध्ये हैदराबाद लोकसभा मतदारसंघात विजय होईल, या अमित शहांच्या विधानाची त्यांनी खिल्ली उडवली. भाजपला हैदराबादमध्ये विजय मिळवणे एवढे सोपे वाटते का? याठिकाणी आम्ही अनेक वर्ष काम केले आहे. याठिकाणी भाजपला निवडणूक लढवायची असेल तर खुशाल लढवू दे. माझ्याविरुद्ध या मतदारसंघात अन्य कोणता उमेदवार देण्यापेक्षा अमित शहा यांनीच लढावे, असे जाहीर आव्हान ओवेसी यांनी दिले.