ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

उत्तर प्रदेशमध्ये २२ प्रवाशांचा होरपळून मृत्यू

बरेली, दि. ५ (वृत्तसंस्था) - राज्य परिवहन मंडळाच्या बसला उत्तर प्रदेशच्या बरेलीमध्ये ट्रकसोबत झालेल्या भीषण अपघातात २२ प्रवाशांचा होरपळून मॄत्यू झाला आहे. ट्रकची धडक लागताच बसने पेट घेतला होता. २२ प्रवाशांचा आगीच्या भडक्यात होरपळून मृत्यू झाला. तसेच इतर १५ जखमी प्रवाशांना उपचारासाठी रुगणालयात दाखल करण्यात आले आहे. बसला लागलेली आग ऐवढी भयंकर होती, की काही क्षणांतच बस पूर्णपणे भस्मसात झाली. ट्रक चालक घटनास्थळावरून पसार झाला आहे.

हा अपघात बरेली जिल्ह्यातील बिथरीचैनपूर परिसरात घडला आहे. प्रत्यक्षदर्शींनी दिलेल्या माहितीप्रमाणे, रविवारी रात्री उशीरा वाजेच्या सुमारास राष्ट्रीय महामार्ग क्रमांक-२४ वर दिल्लीहून बस येत होती. सुत्रांच्या माहितीनुसार, चुकीच्या बाजूने बस येत होती. त्यामुळे, लखनौच्या दिशेने जाणाऱ्या ट्रक आणि बसमध्ये जोरदार धडक बसली. ट्रकची धडक लागताच बसच्या डीझेल टँकमध्ये स्फोट झाला. यानंतर लागलेल्या आगीत काही क्षणांतच बसचा कोळसा झाला.

या आगीची माहिती मिळताच पोलिस आणि अग्नीशमन दलाचे बंब घटनास्थळी दाखल झाले. तसेच तातडीने आग विझवण्याचा प्रयत्न केला. मात्र, तोपर्यंत बसचा कोळसा झाला होता. घटनास्थळावर पोलिस अधीक्षकांसह इतर पोलिस अधिकारी हजर असून सविस्तर तपास केला जात आहे.