ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

पॅरिस करारावर स्वाक्षरी पैशांसाठी नाही तर पर्यावरणासाठी केली – सुषमा स्वराज

नवी दिल्ली, दि. ६ (वृत्तसंस्था) - भारताच्या परराष्ट्र मंत्री सुषमा स्वराज यांनी पॅरिस करारावरुन अमेरिकेचे राष्ट्राध्यक्ष डोनाल्ड ट्रम्प यांनी केलेल्या वक्तव्याचा चांगलाच समाचार घेतला आहे. आम्ही पॅरिस करारावर स्वाक्षरी आर्थिक लाभासाठी किंवा इतर कोणत्याही लोभापायी केली नाही असे म्हणत सुषमा स्वराज यांनी डोनाल्ड ट्रम्प यांना प्रत्युत्तर दिले आहे.

हवामान बदलासंबंधातील पॅरिस करारातून बाहेर पडण्याचा निर्णय अमेरिकेच्या डोनाल्ड ट्रम्प सरकारने काही दिवसांपूर्वी घेतला. अमेरिकेचे राष्ट्राध्यक्ष डोनाल्ड ट्रम्प यांनी यावेळी हा निर्णय घेण्यामागे अमेरिकेच्या हितांना बाधा पोहचत असल्याचे स्पष्ट केले होते. मात्र, यामुळे भारत आणि चीनला याचा सर्वाधिक फायदा होईल, असेही ट्रम्प यांनी सांगितले होते.

सोमवारी परराष्ट्रमंत्री सुषमा स्वराज यांनी पत्रकार परिषद घेत चीन, पाकिस्तान आणि परराष्ट्र धोरणावर भाष्य केले. सुषमा स्वराज पाकिस्तान आणि काश्मीरविषयी म्हणाल्या, काश्मीर हा भारताचा अविभाज्य भाग असल्याने त्यासंदर्भात तडजोड करण्याचा प्रश्नच येत नाही. आमच्यावर पॅरिस करारावर स्वाक्षरी करण्यासाठी कोणताही दबाव नव्हता. हा करार म्हणजे आमच्या सांस्कृतिक वारशाचा एक भाग आहे. आजही आमच्याकडे ग्रामीण भागात नद्यांचे पूजन केले जाते. या कराराच्या माध्यमातून केवळ मदत निधी मिळावा, या अपेक्षेने या करारावर भारताने स्वाक्षरी केली नाही.

अमेरिकेचे राष्ट्राध्यक्ष डोनाल्ड ट्रम्प यांनी पॅरिस पर्यावरण करारातून बाहेर पडताना भारतावर टीका केली होती. पण याचे भारत- अमेरिका संबंधांवर परिणाम होणार नाही असे स्वराज यांनी स्पष्ट केले आहे. कझाकस्तानमध्ये होणाऱ्या परिषदेत शरीफ आणि मोदी यांच्यात भेट होण्याची चर्चा होती. पण अद्याप दोन्ही बाजूंनी या भेटीविषयी काहीही ठरलेले नाही असेही सुषमा स्वराज यांनी म्हटले आहे.