ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

शेतकऱ्यांना आपल्या कर्जमाफीसाठी शवासन करावे लागेल – दिग्विजय सिंह

नवी दिल्ली, दि. २१ (वृत्तसंस्था) - आज संपूर्ण जगात आंतरराष्ट्रीय योग दिनाचा उत्साह पाहायला मिळतो आहे. योगाचे कार्यक्रमांचे देशासह जगभरातील अनेक ठिकाणी आयोजन करण्यात आले आहे. काँग्रेसचे वरिष्ठ नेते दिग्विजय सिंह यांनी जागतिक योग दिनाच्या पार्श्वभूमीवर पंतप्रधान मोदी यांच्यावर निशाणा साधला आहे. आपल्या कर्जमाफीसाठी शेतकऱ्यांनाशवासनकरावे लागेल, असा टोला दिग्विजय सिंह यांनी लगावला आहे.

आंतरराष्ट्रीय योग दिनाच्या निमित्ताने काँग्रेस नेते शहजाद पुनावाला यांनी मोदी सरकारला ट्विटच्या माध्यमातून प्रश्न विचारला होता. कर्जमाफी आणि हमीभाव मिळवण्यासाठी शेतकऱ्यांनी कोणते आसन करावे, असा प्रश्न शहजाद पुणावाला यांनी उपस्थित केला होता. दिग्विजय सिंह यांनी या प्रश्नालाशवासनअसे उत्तर दिले. दिग्विजय सिंह यांनी पुनावाला यांच्या प्रश्नाला ट्विटरच्या माध्यमातून उत्तर देत अप्रत्यक्षपणे मोदी सरकरावर शरसंधान साधले.

काँग्रेसचे शहजाद पुनावाला यांनी देशभरातील शेतकऱ्यांच्या समस्यांवरुन मोदी सरकारला लक्ष्य करण्यासाठी ट्विटरचा वापर केला. शेतकऱ्यांना कर्जमाफी आणि हमीभाव मिळावा, यासाठी आसन आहे का? मोदी यांच्या आश्वासनाचा काहीच उपयोग नाही, असे पुनावाला यांनी ट्विटमध्ये म्हटले होते. दिग्विजय सिंह यांनी पुनावाला यांच्या प्रश्नाला उत्तर दिले. ‘शवासनया एकाच शब्दात उत्तर देत दिग्विजय सिंह यांनी मोदींवर निशाणा साधला.