ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

हा देश मोदींच्या बापाचा नाही - छोटे ओवेसी बरळले

हैदराबाद, दि. ४ (वृत्तसंस्था) - आपल्या वादग्रस्त वक्तव्यामुळे एमआयएमचे नेते अकबरुद्दीन ओवेसी हे नेहमीच चर्चेत असतात. त्यांनी यावेळेस पुन्हा एकदा संघ, भाजप आणि पंतप्रधान नरेंद्र मोदींविरुद्ध गरळ ओकली आहे.

विश्व हिंदू परिषद, बजरंग दल, राष्ट्रीय स्वयंसेवक संघ आणि पंतप्रधान नरेंद्र मोदी या सगळ्यांनी लक्षात ठेवावे भारत देश तुमच्या बापाचा नाही, तो जेवढा तुमचा आहे तो तेवढाच मुस्लिम बांधवांचाही आहे, असेही ओवसींनी म्हटले आहे. देशाचा पंतप्रधान नरेंद्र मोदींच्या कार्यकाळात अजिबात विकास झाला नसल्याचेही त्यांनी म्हटले आहे.

तुमच्या बापाचा हा देश नाही, राजकारणाला तुम्ही धार्मिक रंग दिला आहे, या देशावर मुस्लिमांचाही हक्क असल्याचे अकबरूद्दीन ओवेसी यांनी आपल्या भाषणात म्हटले आहे. तसेच, मुस्लिम असणे हा गुन्हा आहे का? टोपी घालणे हा गुन्हा आहे का? तुम्ही धर्माचे राजकारण करता ही बाब चुकीची आहे असेही या व्हिडिओत ओवेसी बोलताना दिसत आहेत. निवडणुकांसाठी मत मागतानाचा हा व्हिडीओ प्रसारमामध्यमांनी प्रसारित केला आहे.

या देशात अखलाखची हत्या करण्यात आली, जुनैदची हत्या करण्यात आली, काही दिवसांपूर्वीच बलात्कार पीडितेवर अॅसिड हल्ला करण्यात आला, मुस्लिम समाजातील लोकांच्याच हत्या होत आहेत, देशातील सेक्युलर लोक उघड्या डोळ्यांनी हा तमाशा बघत आहेत का? असाही प्रश्न ओवेसींनी विचारला आहे.

अकबरुद्दीन ओवेसी यांनी या व्हिडीओमध्ये नरेंद्र मोदींच्या विरोधात अक्षरशः गरळ ओकली आहे. सध्या हा व्हिडिओ सोशल मीडियावर जोरदार वायरल होत आहे. मी बीफ खातो आणि जोवर जिवंत आहे तोवर खात राहणार मला अडवणारे तुम्ही कोण? असेही ओवेसी यांनी विचारले आहे. ३० जानेवारी २०१७ रोजीचा हा व्हिडीओ आहे. ओवेसी हैदराबादच्या बाबा नगरमध्ये नगरपालिका निवडणुकांचा प्रचार करत होते.