ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

कपिलच्या शोमध्ये केलेला तो विनोद कुमार विश्वास यांच्या अंगलट

नवी दिल्ली, दि. ५ (वृत्तसंस्था) - आम आदमी पक्षाचे नेते आणि कवी कुमार विश्वास यांच्याविरोधात दिल्लीत कपिल शर्मा शोमध्ये महिलांविरुद्ध आक्षेपार्ह विधान केल्याबद्दल तक्रार दाखल करण्यात आली आहे. हा कार्यक्रम जुलै रोजी दाखवण्यात आला होता. कुमार विश्वास यांच्यासोबत शायर राहत इंदौरी आणि शायरा शबीना अदिबदेखील या कार्यक्रमाला उपस्थित होते.

कुमार विश्वास यांच्याविरोधात दिल्लीतील डाबरी पोलीस ठाण्यात तक्रार दाखल करण्यात आली आहे. कुमार विश्वास यांनी कपिल शर्मा शोमध्ये महिलांविरोधात अतिशय अपमानास्पद आणि आक्षेपार्ह विधान केल्याचे तक्रारकर्त्या महिलेने तक्रारीत म्हटले आहे. निवडणुकांच्यावेळी नेत्यांना त्यांच्या कॉलनीमध्ये प्रचारादरम्यान मोठ्या अडचणी येतात. ज्या मुलीसोबत तुमचे प्रेमसंबंध होते, तिच्या पतीलादेखील भावोजी म्हणावे लागते. भावोजी मतदान करा. सामान तर तुम्ही घेऊन गेलात, असे बोलण्याची वेळ येते, असे आक्षेपार्ह विधान कुमार विश्वास यांनी केले होते.

दक्षिण दिल्लीतील डाबरी पोलीस ठाण्यात कुमार विश्वास यांनी केलेल्या या अपमानास्पद विधानाबद्दल त्यांच्या विरोधात तक्रार दाखल करण्यात आली आहे. कपिल शर्मा शो मी पाहत होतो, त्यावेळी कुमार विश्वास यांनी आक्षेपार्ह विधान केले. यानंतर माझ्या मुलीने, आई लग्नानंतर आम्हीदेखील सामान होणार का? असा प्रश्न विचारला, असे तक्रारदार महिलेने तक्रारीत म्हटले आहे. संबंधित महिलेने महिला या काय वस्तू असतात का?’, असा सवालदेखील उपस्थित केला आहे.