ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

राजस्थानी वधूसाठी मोजत आहेत १ लाख रुपये

राजस्थान, दि. १३ - राजस्थानात मुलींचा जन्मदर कमी असल्याने गंभीर समस्या निर्माण झाली आहे. लग्नासाठी इच्छुक असलेल्या वरांना वधू शोधण्यासाठी आटापिटा करावा लागत आहे.  राजस्थानातील माहेश्वरी, बनिया, जैन आणि ब्राह्मण समूदायाचे लोक लग्नासाठी इतर राज्यातून मुलींना दलालाकरवी खरेदी करून आणून त्यांच्याशी लग्न करीत आहेत.

पैसे मोजून वधू विकत घेणाऱ्यांसाठी दलालांचा सुळसूळाट झाला आहे. हे दलाल समाजातील अशा व्यक्तींवर लक्ष ठेवून असतात की ज्यांना लग्नासाठी मुलगी मिळत नाही. हे दलाल त्यांना गाठतात मुलगी मिळवून देण्यासाठी ५० हजार ते १ लाख रुपयांची मागणी करतात.  

एका दलालाने म्हटले आहे की, यात वाईट काय आहे. वधू व वर यांना यात गैर वाटत नाही तर इतरांना वाईट वाटण्याचे कारण नाही. या दलालाने सांगितले की त्याने आतापर्यंत शेकडो लग्ने असे पैसे घेऊन लावून दिली आहेत.

बनिया समुदायाच्या ४२ वर्षीय नामीचंद नावाच्या व्यक्तीने सांगितले की, मला माझ्या समाजातील मुलगी लग्नासाठी मिळत नव्हती. नामीचंद एका खासगी कंपनीत अकाऊंटंट म्हणून काम करत आहे. त्याने दोन वर्षांपूर्वी झारखंडमधील एक मुलगी विकत घेतली व तिच्याशी लग्न केलं. आता दोघेही सुखसमाधाना राहत आहेत. त्यांना एक छोटा मुलगाही आहे. नामीचंदने सांगितले की मी एक लाख रुपये खर्च करून वधू मिळवली आहे.