ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

उपराष्ट्रपतीपदासाठी एनडीएकडून व्यंकय्या नायडूंना उमेदवारी

नवी दिल्ली, दि. १७ (वृत्तसंस्था) - आज राष्ट्रपतीपदासाठी मतदान सुरु असून उपराष्ट्रपतीपदाच्या निवडणुकींसाठी राजकीय हालचालींना वेग आला आहे. याबाबत सुत्रांनी दिलेल्या माहितीनुसार केंद्रीय मंत्री व्यंकय्या नायडू यांना एनडीएकडून उपराष्ट्रपतीपदासाठी उमेदवारी देण्यात आली आहे.

भाजपची एखाद्या दक्षिण भारतीय चेहऱ्याला संधी देण्याची रणनिती असल्यामुळेच उमेदवारी व्यंकय्या नायडूंना देण्यात आली. केंद्रीय मंत्री व्यंकय्या नायडू, महाराष्ट्राचे राज्यपाल सी. विद्यासागर राव आणि निर्मला सीतारमन यांचे नाव उपराष्ट्रपतीपदाच्या स्पर्धेत असल्याचे बोलले जात होते. पण व्यंकय्या नायडूंचे नाव जवळपास निश्चित झाल्याची माहिती आहे.

भाजपच्या ज्येष्ठ मंत्र्यांपैकी व्यंकय्या नायडू हे एक आहेत. सध्या त्यांच्याकडे मोदींच्या मंत्रिमंडळातील नगरविकास मंत्रालय आणि माहिती आणि प्रसारण मंत्रालयाची जबाबदारी आहे. २००२ ते २००४ या काळात त्यांनी भाजपचे राष्ट्रीय अध्यक्ष म्हणूनही काम पाहिले आहे. तर तत्कालीन पतंप्रधान अटलबिहारी वाजपेयी यांच्या मंत्रिमंडळात त्यांच्याकडे ग्रामविकास मंत्रालयाची जबाबदारी होती. दक्षिण भारतातील भाजपचे महत्वाचे नेते म्हणून व्यंकय्या नायडूंकडे पाहिले जाते