ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

जिल्हाधिकाऱ्याला महागात पडले सरसंघचालकांना ध्वजारोहणापासून रोखणे

तिरुअनंतपूरम, दि. १७ (वृत्तसंस्था) -  केरळमधील पल्लकडचे जिल्हाधिकारी पी.मेरीकुथी यांनी राष्ट्रीय स्वयंसेवक संघाचे सरसंघचालक मोहन भागवत यांना ध्वजारोहणापासून रोखल्या प्रकरणी त्यांची बदली करण्यात आली आहे. जिल्हाधिकाऱ्यांनी त्यावेळी राजकीय व्यक्ती शाळेतील ध्वजारोहण करु शकत नाही, असे म्हटले होते.

पण मोहन भागवतांना १५ ऑगस्टच्या ध्वजारोहणासाठी स्वत: शाळेनेच आमंत्रित केल्यामुळे मोहन भागवतांनी वादानंतरही ध्वजारोहण केले होते. दरम्यान, मोहन भागवत यांनी झेंडा फडकल्यानंतर मेरीकुथी यांनी सरकारला अहवाल सादर केला होता. त्या अहवालात मोहन भागवत यांच्यावर गुन्हा दाखल करण्याची शिफारस केली होती. त्यांनी पोलिसांना तसे आदेशही दिले होते. जिल्हाधिकारी पी.मेरीकुथी यांची या सर्व वादाच्या पार्श्वभूमीवर बदली झाल्याने, तर्क-वितर्क लढवणे साहजिकच आहे. पण ही बदली नियमित असल्याचा केरळ सरकारचा दावा आहे. केवळ मेरीकुथी यांचीच नव्हे तर अन्य चार जिल्हाधिकाऱ्यांचीही बदली झाल्याचे केरळ सरकारने म्हटले आहे. मेरीकुथी यांच्या जागी सुरेश बाबू यांची पल्लकडचे नवे जिल्हाधिकारी म्हणून नियुक्ती करण्यात आली आहे.