ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

डोकलाम मुद्दयावरून चीनची भारताला पुन्हा धमकी

नवी दिल्ली, दि. २३ (वृत्तसंस्था) - गेल्या दोन महिन्यांपासून भारत आणि चीनमध्ये डोकलाम मुद्द्यावरून तणाव असून चीनने याच पार्श्वभूमीवर भारताला पुन्हा एकदा धमकी दिली. भारतात जर चिनी सैन्य घुसले, तर अराजक माजेल, अशी धमकी चीनने दिली. चीनच्या परराष्ट्र मंत्रालयाने म्हटले की, चीनने सीमेवरील डोकलाममध्ये रस्त्याची उभारणी करण्यास सुरूवात केल्याने दिल्लीला धोका असल्याचा भारताचा दावा हास्यास्पद आहे.

आपली सीमा ओलांडण्याची परवानगी चीन कोणत्याही देशाला देत नाही. रस्त्याच्या उभारणीचे निमित्त भारताने पुढे करुन बेकायदेशीरपणे सीमा ओलांडली आहे. भारताने डोकलाममध्ये प्रवेश करण्यासाठी दिलेले कारण हास्यास्पद असल्याचे चीनच्या परराष्ट्र मंत्रालयाचे प्रवक्ते हुआ चुनयिंग यांनी सांगितले. भारताचा दावा मान्य केल्यास, कोणताही देश शेजारी देशात घुसखोरी करु शकतो. भारताकडून सीमेवरील भागात मोठ्या प्रमाणात पायाभूत सुविधांची निर्मिती केली जात आहे. मग भारतीय हद्दीत चीनने घुसखोरी करायची का ? चीनने असे केल्यास भारतात अराजक माजेल, असा इशारा हुआ चुनयिंग यांनी दिला. भारतामध्ये अशांतता पसरवण्यासाठी चीन नवी खेळी करत असून त्यांनी या कामासाठी सीमावर्ती भागात नक्षलवाद्यांना सहकार्य करण्यास सुरूवात केल्याचे बोलले जात आहे.

याबाबत मिळालेल्या माहितीनुसार चीन अरूणाचल प्रदेशच्या सीमावर्ती भागातील नागा उग्रवाद्यांच्या संपर्कात आहे. उग्रवाद्यांना वेगवेगळ्या सुविधा देण्यासाठी चीनच्या हालचाली सुरू आहेत. विशेषत: आर्थिक आणि शस्त्रास्त्रांची मदत देखील मोठ्या प्रमाणात होत असल्याचे बोलले जात आहे.