ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

राम रहीमच्या डेरावर कारवाई, मुख्यालयात सैन्य घुसले

चंदीगड, दि. २६ (वृत्तसंस्था) - डेरा सच्चा सौदाचा प्रमुख गुरमीत राम रहीमचं सिरसामधील आश्रम रिकामं करण्यासाठी आज मोठी कारवाई करण्यात आली. भारतीय सैन्य डेरा सच्चा सौदाच्या मुख्यालयात घुसलं आहे. आश्रमाबाहेर सैन्य, निमलष्करी दल, पोलिस आणि शीघ्र कृती दलाचे जवान इथे दाखल झाले आहेत. हे आश्रम डेरा सच्चा सौदाचं मुख्यालय आहे. आश्रमात बसलेल्या समर्थकांना बाहेर काढून ते सील करण्यासाठी ही कारवाई केली जात आहे. आश्रमात हजारो समर्थक असून त्यात महिलांची संख्या सर्वाधिक असल्याचं सांगितलं जात आहे. त्यांना बाहेर काढण्याचं आव्हान सैन्यासमोर आहे.

साध्वीवर बलात्कार केल्याप्रकरणी १५ वर्षांनी दोषी ठरल्यानंतर बाबा राम रहीमच्या समर्थकांनी अक्षरश: हैदोस घातला. हरियाणा आणि पंजाबमध्ये आतापर्यंत ३१ जणांचा मृत्यू झाला असून २५० पेक्षा जास्त लोक जखमी झाले आहेत. मृतांमध्ये २९ पंचकुला आणि सिरसामधील आहे.

राम रहीमच्या अनुयायींनी घातलेल्या हैदोसामुळे नाराज झालेल्या पंजाब-हरियाणा हायकोर्टाने डेराची संपत्ती जप्त करण्याचा निर्णय सुनावला. त्यानंतर आता बाबा राम रहीमची देशभरातील आश्रमं सील केली जात आहेत. हरियाणातील राम रहीमची आतापर्यंत ३६ आश्रमं सील करण्यात आली आहेत. यामध्ये करनाल, अंबाला, कॅथल आणि कुरुक्षेत्रच्या आश्रमांचा समावेश आहे. करनालमध्ये पोलिसांनी राम रहीमच्या १५ समर्थकांना अटक केली आहे. यांच्याकडून एका अॅम्ब्युलन्समधून पेट्रोल आणि लाठ्याकाठ्या जप्त केल्या आहेत.

डेरामध्ये राम रहीमच्या महिला समर्थकही आहेत. अशी परिस्थिती हाताळण्यासाठी सुरक्षा पथकांमध्ये महिलांचाही समावेश आहे. सैन्याच्या कारवाईत कोणीही अडथळा आणल्यास त्यांना त्याक्षणी गोळी मारली जाईल, असं सैन्याकडून सांगितलं जात आहे.