ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

पंजाबमधील एका मंदिराची मालकी चक्क कुत्र्यांच्या नावावर

पतियाळा, दि. २६ (प्रतिनिधी) - पंजाब राज्यातील पटियाळापासून वीस किलो मीटर अंतरावर असलेल्या एका डेर्‍याची (मंदिराची) मालकी गेली २०० वर्षे कुत्र्यांकडे आहे. पतियाळाच्या तत्कालीन महाराजांनीच या मंदिराची जमीन कुत्र्यांना दान दिली होती. 

त्यामुळे आजही येथील प्रमुख पुजारी सकाळी सकाळी मंदिराबाहेर येऊन कुत्र्यांसारखे आवाज जोरजोरात काढतात. आवाज ऐकताच आसपासची कुत्री गोळा होतात. मग त्या कुत्र्यांना खायला घातले जाते. कुत्र्यांना खायला घातल्याशिवाय पुजारी स्वतः खात नाहीत. या मंदिरातील भितींवर असलेल्या अनेक चित्रांत देवदेवतांसोबत कुत्रीही चितारली गेली आहेत.

या संदर्भात सांगितले जाते की, हा डेरा जिथे आहे, तिथे पूर्वी जंगल होते. तिथे एक साधू आला. जंगलातील या डेर्‍यातच त्याने वास्तव्य केले. तो दिवसातून तीन वेळा कुत्र्यांसारखा आवाज काढून कुत्र्यांना बोलवीत असे आणि त्यांना खायला घालत असे. 

जेव्हा पतियाळाच्या महाराजांना याबद्दल समजले तेव्हा ते या साधूच्या भेटीला आले व त्यांनी साधूला कांही जमीन दान देण्याची इच्छा व्यक्त केली. तेव्हा साधूने ही जमीन कुत्र्यांच्या नावाने द्यावी असे महाराजांना सुचवले. त्यानुसार ही जमीन कुत्र्यांना दिली गेली. तेथपासून ही जमीन कुत्र्यांच्या मालकीची समजली जाते. महसूल विभागातही या जमिनीची तशीच नोंद आहे.