ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

या शिवलिंगातून जातो पाताळात जाण्याचा मार्ग

छत्तीसगढ, दि. १९ (प्रतिनिधी) - छत्तीसगड राज्याची काशी अशी ओळख झालेल्या खरौद नगर येथे दुर्लभ शिवलिंग असलेले शिवमंदिर आहे. लक्ष्मणेश्वर मंदिर असे नांव असलेल्या या मंदिरातील शिवलिंगावर १ लाख छिद्रे आहेत व यातील एक छिद्र म्हणजे पाताळाचा रस्ता आहे असे मानले जाते. 

लंका विजयानंतर लक्ष्मणाने पापक्षालनासाठी रामाला शिवलिंग स्थापन करण्याची विनंती केली तेव्हा रामाने या महादेवाची स्थापना केली असे सांगितले जाते. रामायणकालीन या मंदिराचा जीर्णोद्धार रतनपूरचा राजा खड्गदेव याने केला. हे मंदिर सहाव्या शतकातले असावे असा अंदाज व्यक्त केला जातो.

या छिद्रमय लिंगातील एका छिद्रात कितीती पाणी ओतले तरी ते छिद्र भरत नाही. हे पाणी थेट पाताळात जाते असे समजले जाते व त्यामुळे तो पाताळाचा मार्ग असल्याची भावना आहे. या मंदिरामागची कथा अशी सांगतात, की रावणाचा वध केल्यानंतर रामाला ब्रह्महत्येचे पातक लागले कारण रावण ब्राह्मण होता तर राम क्षत्रिय. त्या पापक्षालनासाठी रामेश्वरावर अभिषेक केला गेला तेव्हा अभिषेकासाठी लक्ष्मण सर्व पवित्र प्रमुख तीर्थे आणण्यासाठी गेला तेव्हा त्याने या गुप्त तीर्थ शिवरीनारायण येथील पाणीही आणले. मात्र येथून पाणी नेऊन अयोध्येकडे येताना लक्ष्मण खूप आजारी पडला. त्यातून मुक्त होण्यासाठी लक्ष्मणाने महादेव पूजा केली व रामाला येथे महादेवाची स्थापना करण्याची विनंती केली.

रामाने येथेच खर व दूषण या दोन राक्षसांचा वध केल्याचेही सांगितले जाते. त्यावरूनच या जागेचे नांव खरौद असे पडले आहे. या मंदिराच्या बाहेरच जीर्णोद्धार केलेला राजा खड्गदेव त्याची राणी हात जोडून प्रदक्षिणा मार्गावर उभे असल्याच्या मूर्ती आहेत. महाशिवरात्रीला येथे मोठा उत्सव होतो व महादेवाची वरात काढली जाते.