ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

डिझेल चोरी प्रकरणी एकास अटक; एक फरार

चाकण, दि. १६ (प्रतिनिधी) -हॉटेलसमोर उभ्या असलेल्या ट्रक मधील डिझेलची संगनमताने दोघांनी चोरी केल्याप्रकरणी काल ( दि.१५ ) एकास अटक करण्यात आली तर अन्य एक जण फरार झाल्याप्रकरणी त्याच्यावर गुन्हा दाखल करण्यात आला आहे. 

चाकण- शिक्रापूर रस्त्यावरील बहूळ (ता.खेड) गावच्या हद्दीतील एका हॉटेलसमोर हा विचित्र प्रकार घडला असल्याची माहिती पोलिस निरीक्षक संतोष गिरीगोसावी व पोलिस उपनिरीक्षक श्रीधर जगताप यांनी दिली. 

विनायक देविदास काळे ( वय.२५ वर्षे,सध्या रा.सुपे)असे अटक करण्यात आलेल्या भामट्याचे नाव आहे. तर त्याचा साथीदार त्रिंबक आगरे (रा.हपडसर,पुणे) हा फरार झाल्याप्रकरणी त्याच्यावर गुन्हा दाखल करण्यात आला आहे. प्रेमनाथ गवारी(रा.फूलगाव,ता.हवेली) या ट्रक चालकांने या प्रकरणी चाकण पोलिस ठाण्यात फिर्याद दिली आहे. 

पोलिसांनी दिलेली माहिती अशी की, चाकण-  शिक्रपूर रस्त्यावरील बहूळ (ता.खेड) गावच्या हद्दीतील  एका हॉटेलसमोर रात्री पावने बारा वाजण्याच्या दरम्यान ट्रक चालक गवारी  हे  आपल्या ताब्यातील ट्रक उभी करून हॉटेलमध्ये गेले होते.त्यावेळी आरोपी काळे व आगरे यांनी संगनमताने ट्रकमधील बाराशे रूपये किंमतीचे वीस लिटर डिझेल चोरून नेले.त्यापैकी काळे या भामट्यास अटक करण्यात आली. तर त्याचा साथीदार आगरे हा फरार झाला आहे. 

पोलिस निरीक्षक संतोष गिरीगोसावी यांच्या मार्गदर्शनाखाली पोलिस उपनिरीक्षक श्रीधर जगताप, पोलिस हवालदार अजय भापकर व त्यांचे अन्य सहकारी या प्रकरणी अधिक तपास करित आहेत.