ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

शहराध्यक्ष म्हणतात आघाडी करण्यास काँग्रेस उत्सुक

राष्ट्रवादीशी आघाडी करण्यास काँग्रेस उत्सुक आहे. मात्र, आघाडी करण्याविषयीचा प्रस्ताव राष्ट्रवादीने दिला पाहिजे आणि तो प्रस्ताव सन्मानजनक असला पाहिजे. सर्व जागा लढवण्याची काँग्रेसची तयारी आहे. मतविभागणी नको म्हणून राष्ट्रवादीशी आघाडी करण्याचा प्रस्ताव आहे.

केंद्र व राज्य सरकार सर्व आघाडय़ावर अपयशी ठरले आहेत. सरकारकडून पिंपरी-चिंचवडला सापत्न वागणूक दिल्याचे अनेक प्रकरणांमधून दिसून आले. शहरातील वाढती गुन्हेगारी चिंताजनक आहे. महापालिकेतील भ्रष्ट कारभाराने कळस गाठला आहे. ‘भयमुक्त व भ्रष्टाचारमुक्त पिंपरी-चिंचवड’ हे काँग्रेसचे घोषवाक्य आहे. याशिवाय, सार्वजनिक व्यवस्था, अनधिकृत बांधकामे, शास्तीकर, संरक्षण खात्याशी संबंधित प्रश्न, पर्यावरणाच्या समस्या, नदीसुधार प्रकल्प, प्रशासनाकडून नागरिकांची होणारी पिळवणूक, झोपडीधारकांच्या अडचणी आदी मुद्दय़ांवर काँग्रेसचा भर राहणार आहे.

* निवडणुकीची तयारी कशी सुरू आहे?

दोन वर्षांपूर्वीपासून निवडणुकीची तयारी सुरू आहे. आधी संघटनात्मक परिस्थिती नाजूक होती. नव्याने पक्षउभारणी केली. यापूर्वीच्या नेतृत्वामुळे कार्यकर्त्यांनी गमावलेला विश्वास पुन्हा निर्माण केला. सरकारच्या चुकीच्या धोरणांच्या विरोधात सातत्याने आंदोलने केली. ‘काँग्रेस आपल्या दारी’ अभियान तसेच पक्षाचे विविध उपक्रम राबवले. पक्षाचे कार्यालय सुरू केले. चिंचवडला कार्यकर्त्यांचे प्रशिक्षण शिबिर झाले. पृथ्वीराज चव्हाण, बाळासाहेब विखे, हर्षवर्धन पाटील आदींनी मार्गदर्शन केले. दापोडीत नारायण राणे यांच्या, तर थेरगावात अशोक चव्हाण यांच्या उपस्थितीत मेळावा झाला.

* पक्षातील गळतीची कारणे कोणती, पक्षावर त्याचे परिणाम काय?

पक्षातील अतिमहत्त्वाकांक्षी नेत्यांमुळे पक्षाचे नुकसान झाले. स्वत:च्या स्वार्थासाठी ते पक्ष सोडून गेले. पक्षाच्या ‘त्या’ यंत्रणेमुळे गळती झाली. यापूर्वीच्या नेतृत्वाशी मतभेद असल्याने काहींनी पक्ष सोडला. तर, ज्यांचा पक्षाच्या विचारधारेशी काही संबंध नव्हता, अशी मंडळी नाइलाजाने पक्षात आली. स्वार्थ साध्य होताच ते मूळ ठिकाणी गेले. पक्षाच्या गळतीचा काहीही परिणाम होणार नाही. नगरसेवक गेले असले तरी कार्यकर्त्यांचा ओघ वाढला आहे. खऱ्या कार्यकर्त्यांना आता न्याय मिळू शकेल.