ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

प्रा. मोरे महाविद्यालयात राष्ट्रीय चर्चासत्राचे आयोजन

>> "स्मार्ट सिटी' व पर्यटन या विषयी होणार उहापोह 

पिंपरी, दि. १८ (प्रतिनिधी) - स्मार्ट सिटी आणि पर्यटन यांचा जवळचा संबंध असून पायाभूत सुविधांचा विकास दोन्हीसाठी अत्यंत महत्त्वाचा आहे. त्यासाठी सामाजिक, राजकीय, आर्थिक घटकांचा विचार व्हावा या उद्देशाने पुणे जिल्हा शिक्षण मंडळाच्या प्रा. रामकृष्ण मोरे महाविद्यालयामध्ये २० व २१ जानेवारी रोजी राष्ट्रीय स्तरावरील चर्चासत्राचे आयोजन करण्यात आलेले आहे. 

या चर्चासत्राचे उद्‌घाटन दि. २० जानेवारी रोजी पिंपरी-चिंचवड महापालिकेचे आयुक्त दिनेश वाघमारे यांच्या हस्ते तसेच पुणे जिल्हा शिक्षण मंडळाचे मानद सचिव संदीप कदम यांच्या प्रमुख उपस्थितीत होणार आहे. पार्वतीबाई चौगुले महाविद्यालय गोवा येथील प्राचार्य डॉ. नंदकुमार सावंत यांचे बीजभाषण होणार आहे. चर्चासत्राचा समारोप दि. २१ जानेवारी रोजी दुपारी साडेतीन वाजता प्रधान सचिव नितीन करीर यांच्या उपस्थितीत होणार आहे. माजी आयुक्त टी. सी. बेंजामिन, डॉ. सुनील धापटे, सिंबायोसिस इन्स्टिट्यूट ऑफ जिओ इनफरमॅटीक्‍स येथील डॉ. नवेंदू चौधरी चर्चासत्रामध्ये सहभागी होणार आहेत. 

चर्चासत्रामध्ये पर्यटनाचे विविध प्रकार आणि स्मार्ट सिटी, पर्यटनाच्या दृष्टीने स्मार्ट सिटीचे महत्त्व, महाराष्ट्रातील पर्यटनाची क्षमता, स्मार्ट सिटी व्यवस्थापन, राजकीय पक्षांची स्मार्ट सिटीतील भूमिका अशा विविध मुद्दयांवर चर्चा घडवून आणली जाणार आहे. हे चर्चासत्र शिक्षक, संशोधक, व्यापार प्रतिनिधी, शासकीय संस्था, उद्योग क्षेत्रातील व्यक्ती तसेच नियोजनकार यांना व्यासपीठ उपलब्ध करून देणारे ठरेल, अशी माहिती महाविद्यालयाचे प्राचार्य डॉ. नितीन घोरपडे यांनी प्रसिध्दी पत्रकाव्दारे दिली आहे.