ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

प्रत्येक मुलाची घडण्याची वेळ वेगवेगळी असते - डॉ. सलिल कुलकर्णी

'पापा कहते है बडा नाम करेगा' कार्यकमात पित्यांचा मुला मुलींच्या हस्ते सत्कार

पिंपरी, दि. १३ - आपल्‍या मुलांना उच्च श्रेणीत ढकलण्याच्या स्पर्धेमध्ये आजच्या पिढीतील आई बाबा वात्‍सल्‍यपूर्ण आनंदी जीवन जगणेच विसरून जात आहेत. जशी प्रत्‍येक फुलांची फुलण्याची वेळ निसर्ग नियमावर अवलंबून असते, त्‍याच प्रमाणे प्रत्‍येक मुलाची घडण्याची वेळ वेगवेगळी असते. मुलांशी मूल होऊन जगा. आई-वडील आणि मुलं एकत्रित राहणे आणि हसणे हे जगातील सर्वात आनंददायी आणि सुंदर चित्र आहे. असल्याचे मत प्रसिध्द संगीतकार गायक डॉ. सलिल कुलकर्णी यांनी सांगवी येथे व्यक्त केले. 

नवी सांगवी येथील स्‍व. मनसुखलालजी गुगळे यांच्या स्मृतीप्रित्‍यर्थ तनुश्री गर्भसंस्कार केंद्राच्‍या वतीने रविवारी आयोजित केलेल्या स्‍नेहमेळाव्‍याचे उद्‌घाटन ज्येष्ठ सामाजिक कार्यकर्ते शांतीलाल मुथा यांच्या हस्‍ते करण्यात आले. प्रजापिता ब्रम्हकुमारी केंद्राच्‍या सुनंदादीदी, सरितादीदी, ज्‍येष्ठ लेखिका प्रतिभा शाहु मोडक, कापूस कोंड्याची गोष्ट या चित्रपटातील अभिनेत्री समिधा गुरु, युवा कलाकार ऋजुता देशमुख, स्नेहा चव्हाण, एकपात्री कलाकार मकरंद टिल्‍लू, एव्हरेस्टवीर छत्रपती पुरस्कार विजेते गिर्यारोहक ॲड. उमेश झिरपे, डॉ. अनिल गुगळे आदी उपस्थित होते.
'पापा कहते है बडा नाम करेगा' या थिमवर सादर केलेल्‍या या कार्यक्रमात उद्योग, वैद्यकीय, सांस्कृतिक, क्रीडा, सामाजिक क्षेत्रात उल्‍लेखनिय कार्य केलेल्‍या पित्‍यांचा सत्‍कार त्‍यांच्या मुला-मुलींच्या हस्ते करण्यात आला. 

डॉ. सलिल कुलकर्णी पुढे म्‍हणाले की, सगळया मुलांसाठी आपला बाबाच सुपर हिरो असतो. तो सुपर व्‍हिलन होता कामा नये. 'शहाणी' माणसं तयार करताना 'चांगली' माणसं दुर्लक्षित होतात. चित्रातील गंमत सांगण्याऐवजी त्याची किंमत सांगणारे आपल्‍या पुढच्या पिढीवर कसे संस्कार करणार, असा प्रश्न त्यांनी उपस्थित केला. मुलांच्या प्रश्नांची ९० टक्‍के पालकांकडे उत्तरेच नसतात. मुलांना मॉलमध्ये नेऊन त्यांच्यासाठी पैसे खर्च करण्याऐवजी त्‍यांच्याबरोबर वेळ खर्च करा. मुलांशी मूल होऊन जगा. 

आई-वडील आणि मुलं एकत्रित राहणे आणि हसणे हे जगातील सर्वात आनंददायी आणि सुंदर चित्र आहे. आपणही सुमार बुध्दीचे आणि खट्‌याळ होतो, हे आईबाबांनी विसरू नये. अनुवंषिकतेप्रमाणे चांगले-वाईट गुण मुलांमध्ये येतात. त्‍यातील वाईट गुण कमी करण्याचा प्रयत्न करावा. आपल्‍या मुलांना उच्च श्रेणीत ढकलण्याच्या स्पर्धेमध्ये आजच्या पिढीतील आई बाबा वात्‍सल्‍यपूर्ण आनंदी जीवन जगणेच विसरून जात आहेत. जशी प्रत्‍येक फुलांची फुलण्याची वेळ निसर्ग नियमावर अवलंबून असते, त्‍याच प्रमाणे प्रत्‍येक मुलाची घडण्याची वेळ वेगवेगळी असते. मुलांना वाढविताना आपल्‍याला पुन्हा बालपण अनुभवण्याची संधी मिळते, असेही कुलकर्णी म्‍हणाले.

या कार्यक्रमात डॉ. मंगलमूर्ती भालेराव - निरज भालेराव, ॲड. उमेश झिरपे, मकरंद टिल्लू - हर्षदा टिल्लू, अमोल गांधी - नितीन गांधी, अविनाश देशमुख - ऋजुता देशमुख, अनिल चव्हाण - स्नेहा चव्हाण, मनोज धोका - पृथ्वीराज धोका, संत्येद्र शुक्ला- रिया शुक्ला, विजय जकातदार - पल्लवी जकातदार, राणे या पित्‍यांचा गौरव करण्यात आला.

उद्‌घाटक शांतीलाल मुथा मार्गदर्शन करताना म्‍हणाले की, चंगळवादाकडे वाटचाल करणाऱ्या समाजामुळे टीव्‍ही, फोन या आधुनिक उपकरणांचे अल्‍पवयात आकर्षण वाढू लागले आहे. त्‍यामुळे व्यभिचार, अत्‍याचारामध्ये वाढ होत आहे. कुटुंबप्रधान देशातील कुटुंब व्‍यवस्थाच यामुळे उद्‌ध्वस्‍त झाली आहे. एकत्रित कुटुंब पध्दतीने नव्या पिढीत संस्कारमूल्‍य रुजवून यावर मात करता येईल, असेही मुथा म्‍हणाले. 

प्रास्तविकात डॉ. सुप्रिया गुगळे यांनी गर्भसंस्काराची गरज असल्याची माहिती दिली. नवकार मंत्राने सिमा मुनोत, स्वप्नाली गुगळे यांनी उपस्थितांचे स्वागत केले. रियो, टिटो आणि साहिल या चिमुकल्‍यांनी गणेशवंदना सादर केली. तन्वी गुगळे हिने बाबा ही कविता सादर केली. सूत्रसंचालन राधिका चव्हाण तर आभार मनोज मुनोत यांनी मानले. 

आपल्या मोबाईलवर न्यूज मेट्रोचा अ‍ॅप डाऊनलोड करण्यासाठी खालील लिंकला क्लीक करा
https://play.google.com/store/apps/details?id=com.newsmetro.news