ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

ओएलएक्सवर खोटी जाहिरात देऊन साडेपाच लाखांची फसवणूक

पिंपरी, दि. ९ - ओएलएक्सवर चारचाकी गाडी विक्रीची खोटी जाहिरात टाकून एका महिलेची साडेपाच लाखांची फसवणूक करण्यात आली. याप्रकरणी वाकड पोलीस ठाण्यात गुन्हा दाखल करण्यात आला असून तीन जणांविरुद्ध गुन्हा दाखल करण्यात आला आहे. 

संतोष कुमार सिंग (उत्तर प्रदेश), खोरा पुई (दिल्ली), कृष्णाप्पा पी याच्यासह इतर तिघांविरोधात गुन्हा दाखल करण्यात आला आहे. निरजा मेहरा (रा. काळेवाडी) यांनी वाकड पोलीस ठाण्यात तक्रार दिली आहे.

पोलिसांनी दिलेल्या माहितीनुसार, नीरज मेहरा यांना नवीन चारचाकी गाडी घ्यायची होती. त्यांनी ‘ओएलएक्स’वर इनोव्हा गाडीची जाहिरात पाहिली. त्यातील माहितीत उल्लेख केलेल्या मोबाईल क्रमांकावर फोन केला. नीरज आणि जाहिरात देणाऱ्या व्यक्तीमध्ये इनोव्हा गाडी विक्रीबाबत साडेपाच लाख रुपयांत व्यवहार झाला. 

जाहिरातदाराने गाडी विमानतळावर असून सीमा शुल्क विभागाच्या अधिकाऱ्यांच्या ताब्यात असून, त्यांना ३२ हजार रुपये देऊन ती सोडवून घ्या, असे दूरध्वनीवरून सांगितले. त्यांनी सांगितल्याप्रमाणे नीरज यांनी बोगस सीमा शुल्क अधिकारी संतोष कुमार सिंग याच्या खात्यावर २० सप्टेंबरला ३२ हजार रुपये जमा केले. विशेष म्हणजे पैसे जमा केल्याची पावती मेलद्वारेही पाठवण्यात आली आणि दुसऱ्या दिवशी गाडी घेऊन जा, असे सांगण्यात आले. मात्र, ओएलएक्सवर जाहिरात देणाऱ्या व्यक्तीने पुन्हा फोन केला. माझी पत्नी आजारी असून मला पैशांची गरज आहे, असे नीरज यांना सांगितले. त्यामुळे नीरज यांनी खोरो पुई याच्या बँक खात्यात २१ सप्टेंबर २०१६ रोजी तब्बल ५ लाख १५ हजार रुपये जमा केले. 

त्यानंतर विमानतळावरील सीमा शुल्क अधिकाऱ्यांकडून गाडी घेण्यासाठी नीरज तेथे गेले. परंतु, विमानतळावर अशा नावाचे कुणी सीमा शुल्क अधिकारी नसल्याचे त्यांना सांगण्यात आले. आपली फसवणूक झाल्याचे नीरज यांच्या लक्षात आले. या प्रकरणी त्यांनी वाकड पोलिसांत तक्रार दिली. पोलिसांनी तिघांविरोधात फसवणुकीचा गुन्हा दाखल केला आहे. अद्याप संशयित आरोपींना अटक करण्यात आलेली नाही. त्यांचा शोध घेण्यात येत असल्याचे पोलिसांनी सांगितले.