ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

काचबिंदूमुळे दृष्टी कमजोर होऊन अंधत्व येते - डॉ. पाहूजा

पिंपरी, दि. १७ - जगभरातील सुमारे साठ दशलक्ष लोकांना काचबिंदूचा (ग्लॉकोमा) त्रास होतो. यापैकी ११.२ दशलक्ष रुग्ण भारतीय उपखंडातील आहेत. काचबिंदू (ग्लॉकोमा) मुळे माणसाची दृष्टी कमजोर होते व अंधत्व येते. त्यामुळे वयाची चाळीशी ओलांडलेल्या प्रत्येक व्यक्तीने वर्षातून एकदा तज्ज्ञ नेत्र चिकित्सकाकडून तपासणी करुन घ्यावी असे आवाहन ज्येष्ठ नेत्रशल्य चिकित्सक डॉ. किशोर पाहुजा यांनी केले.

काचबिंदू विषयी नागरीकांना माहिती देण्यासाठी १२ मार्च ते १८ मार्च या कालावधीत जगभर ‘ग्लॉकोमा जनजागृती सप्ताह’ पाळला जातो. या अंतर्गत पिंपळे सौदागर येथील ‘नताशा आय केअर ॲण्ड रिसर्च सेंटरच्या’ वतीने पिंपळे सौदागर, पिंपळे गुरव आणि पिंपरी गाव व कॅंम्प परिसरातून सायकल फेरी काढण्यात आली. 

यावेळी काचबिंदू या आजाराविषयी माहिती देणारी पत्रके वाटण्यात आली. डॉ. किशोर पाहुजा यांनी सांगितले की, भारतात सुमारे साठ लाख लोकांना काचबिंदू आहे आणि त्याहून जास्त लोकांना स्वत:ला काचबिंदू असल्याचे भान देखील नसते. यामुळे डोळ्यांच्या आतमध्ये दाब वाढून दृष्टी अंधूक होते आणि उपचार न मिळाल्यास काचबिंदू मुळे अंधत्व येते. 

चाळीस वर्षे वयाच्या पुढील व्यक्तींना जर दृष्टी अंधूक वाटत असेल तर, डोळ्यात वेदना आणि डोकेदुखी होते असेल तर, प्रकाशाभोवती रंगीत वर्तुळे दिसत असतील तर, वाचण्याच्या चष्म्याचा नंबर सारखा बदलत असेल तर, सर्व समावेशक नेत्र तपासणी करुन घ्यावी. अनुवंशिकता, मधुमेह, उच्चं व कमी रक्तदाब, कंठग्रंथीचा आजार असणारे व्यक्तींना आणि नियमित स्टेरॉईड, कॉर्टिसोनचे सेवन करणा-या व्यक्तींना काचबिंदू होण्याची जास्त शक्यता असते. 

काचबिंदू असलेल्या लोकांनी डोळ्यातील दाब नियमित तपासून घ्यावा व नियमित औषधे घेणे आवश्यक आहे. काचबिंदूचे निदान सुरुवातीच्याच टप्यात झाल्यास त्वरित उपचार करुन अंधत्व टाळता येत असल्याचेही डॉ. किशोर पाहूजा यांनी सांगितले.