ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

बीआरटीएस मार्ग आजपासून दुचाकींसाठी खुला

चिंचवड , दि. २० - वाहतुकीची गैरसोय लक्षात घेता निगडी ते दापोडी या रस्त्यावर उभारलेला बीआरटीएस मार्ग आज सोमवार (दि. २०) पासून दुचाकींसाठी खुला करण्यात आला आहे.  आमदार लक्ष्मण जगताप यांच्या शिफारशीनंतर हा मार्ग आजपासून दुचाकी वाहनांसाठी खुला करण्यात आला आहे. त्यामुळे या मार्गावर आज अनेक दुचाकी धावताना पाहावयास मिळाल्या.
निगडी-दापोडी बीआरटीएस मार्ग हा तीन वर्षापासून बांधला गेला असला तरी मार्गावरील बस थांब्याची दुरावस्था, तसेच मार्ग बांधणीचा अंदाज चुकणे आदी अडचणींमुळे आत्तापर्यंत रखडला आहे. त्यामुळे शहराच्या मधोमध असणारा तयार रस्ता वापरात नव्हता.
मात्र, या मार्गावर दुचाकी नाही तर बीआरटीएस बसच धावावी यासाठी प्रशासनाने प्रयत्न करणे गरजेचे आहे अशी मागणी पीएमपी प्रवासी मंचतर्फे करण्यात आली आहे. निगडी-दापोडी हा मार्ग गेल्या तीनवर्षापासून तयार आहे. मात्र नियोजनाचा अभाव, दुरुस्तीची कामे यामुळे तो रखडला आहे. आयुक्त दिनेश वाघमांरे यांनी महापालिकेच्या आयुक्त पदाची धुरा सांभाळताच तो  डिसेंबर २०१६ ला चालू करू, असे आश्वासन दिले होते. मात्र, मार्गाच्या फाईलच वेळी पुढे न सरकणे, राजकीय विरोध अशा अनेक बाबीत हा मार्ग तयार असूनही वाहतुकीच्या प्रतीक्षेत आहे.
आज जरी दुचाकी चालू झाल्या असल्या तरी अनेक नागरिकांना बीआरटीएस बसच या मार्गावरून धावली पाहिजे, असा आग्रह आहे. कारण शहरातील सार्वजनिक वाहतूक व्यवस्था मोडकळीला आणण्यापेक्षा ती सक्षम बनवणे गरजेचे आहे. प्रशासनाने मात्र, ही तात्पूर्ती उपाय योजनाअसून या मार्गावरून बीअरटीएसच धावेल, असे सांगितले आहे.