ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

सतीश शेट्टी यांच्या सुरक्षाअर्जावर दिरंगाई, पोलीस खात्याला १५ लाखांचा दंड

तळेगाव दाभाडे, दि. २५ - माहिती अधिकार कार्यकर्ते सतीश शेट्टी यांच्या सुरक्षाअर्जावर कार्यवाहीस दिरंगाई केल्याचे निष्पन्न झाल्यामुळे मुंबई मानवाधिकार आयोगाने पोलीस खात्याला १५ लाख रुपयांचा दंड सुनावला असून दंडाची रक्कम त्वरित शेट्टी कुटुंबीयांकडे सुपूर्द करण्याचे आदेश दिले आहेत.
महाराष्ट्र मानवाधिकार संघटनेचे कार्याध्यक्ष एम. डी. चौधरी यांनी १५ जानेवारी २०१० ला मुंबई मानवाधिकार आयोगाकडे याचिका दाखल केली होती. त्यावर सुनावणी करून मानवाधिकार आयोगाने काल (गुरुवारी) वरील निर्णय दिला. या प्रकरणात दोषी असलेल्या अधिका-यांवर योग्य ती कारवाई करण्यात यावी, असेही आदेशात म्हटले आहे.
सतीश शेट्टी यांचा १३ जानेवारी २०१०  रोजी तळेगाव दाभाडे येथे भरदिवसा तीक्ष्ण हत्याराने वार करून खून करण्यात आला होता. १३ जानेवारीच्या काही दिवस अगोदर शेट्टी यांनी जीवितास धोका असल्याने सुरक्षा पुरविण्यात यावी, अशी मागणी करणारा अर्ज पुणे ग्रामीण पोलिसांकडे केला होता. मात्र, तत्कालीन लोणावळा उपविभागीय पोलीस अधिकारी दिलीप शिंदे, अतिरिक्त पोलीस अधीक्षक रामनाथ पोकले, पोलीस अधिकारी श्रीकृष्ण कोकाटे यांनी त्यांच्या सुरक्षेच्या अर्जावर गांभीर्याने निर्णय घेतला नाही, असे आयोगाने म्हटले आहे.
तत्कालीन लोणावळा उपविभागीय पोलीस अधिकारी दिलीप शिंदे, अतिरिक्त पोलीस अधीक्षक रामनाथ पोकले, पोलीस अधिकारी श्रीकृष्ण कोकाटे यांच्यावर मानवाधिकार आयोगाने ठपका ठेवला असून त्यांच्यावर योग्य ती कार्यवाही  करण्याचे आदेश दिले आहेत. दिलीप शिंदे हे सेवानिवृत्त झाले आहेत. तर, रामनाथ पोकले हे पुणे सीआईडीला अधीक्षक पदावर असून श्रीकृष्ण कोकाटे हे मुंबईत उपायुक्त पदावर कार्यरत आहेत.
आयोगाने तत्कालीन पुणे ग्रामीण पोलिसांवर ताशेरे ओढले. शेट्टी यांच्या अर्जावर गांभीर्याने निर्णय घेतला नसल्याचा ठपका ठेवला आहे. त्यामुळे पोलिसांवर संताप व्यक्त केला. पोलीस खात्याने दंडाची रक्कम त्वरित शेट्टी कुटुंबीयांकडे जमा करण्याचे आदेश दिले आहेत.