ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

टाटा मोटर्स कामगारांना त्रैवार्षिक वेतनवाढ

चिंचवड, दि. २९ - टाटा मोटर्स व्यवस्थापन आणि टाटा मोटर्स एम्प्लॉईज युनियन यांच्यामध्ये काल (मंगळवारी) त्रैवार्षिक वेतनवाढ करार सौहार्दपूर्ण आणि खेळीमेळीच्या वातावरणात संपन्न झाला. हा वेतनवाढ करार जवळजवळ १९ महिने प्रलंबित होता.
सतिश बोरवणकर, कार्यकारी संचालक (क्वालिटी) जे टाटा मोटर्सच्या एक्झिक्युटिव्ह कमिटीचे सदस्य आहेत. त्यांनी पुढाकार घेऊन कराराबाबतची युनियनबरोबर चर्चा करून कराराबाबत लवकरात लवकर निर्णय दिला.
दिनांक १ सप्टेंबर २०१५ ते ३१ ऑगस्ट २०१८ या कालावधीकरिता रु. ८६००/- प्रत्यक्ष वाढही तीन वर्षाच्या टप्प्याटप्प्याने (७२ टक्के, १५ टक्के व १३ टक्के अशी) विभागून तसेच रु. ८७००/- अप्रत्यक्ष म्हणजे एकूण रुपये १७३००/- एवढ्या रकमेचा करार झाला.
या पगारवाढी व्यतिरिक्त कंपनीने कंपनीच्या सेवेत असताना एखादा कामगार मृत पावल्यास त्याच्या कुटुंबीयांना मिळणा-या ग्रॅच्युइटीबाबत, 25 वर्षसेवा काल पूर्ण झाल्यावर देण्यात येणारे घड्याळ आता कामगाराच्या पती अथवा पत्नीसही देण्यात येईल. या वाढीबरोबरच कामगारांना देण्यात येणा-या इतरही सेवा सवलतींमध्ये वाढ करण्यात आली आहे. ब्लॉक क्लोजरच्या दिवसांमध्येही ६ दिवसांची वाढ करण्यात आली आहे. तसेच कार्यप्रणालीच्या मोजमापनाशी संलग्न पगारवाढ यास कामगारांनी उत्साहवर्धक प्रतिसाद दिला.
बोरवणकर यांनी कामगार व युनियनसोबत कंपनीचे संबंध नेहमीच सौहार्दपूर्ण राहिले असल्याचेही नमूद केले. सर्वांनी केलेल्या सहकार्याचे त्यांनी कौतुक केले. कामगारांनी जवळजवळ १९ महिने शांततेच्या मार्गावर राहिल्याबद्दल कौतुक केले व युनियनने सुद्धा इतक्या चांगल्या मार्गाचा अवलंब करून कामगारांना जास्तीत जास्त फायदा करून दिल्याचा उल्लेख केला. टाटा संस्कृती आपण सर्वांनीच अशाच प्रकारे जपली पाहिजे, याबाबत त्यांनी उल्लेख केला.