ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

थेरगावमध्ये ५०० विद्यार्थ्यांनी घातले सूर्यनमस्कार

थेरगाव, दि. ३१ - विद्यार्थ्यांच्या सर्वांगीण विकासासाठी आशाकिरण सोशल फाऊंडेशनच्या वतीने आज थेरगावमधील  महापालिकेच्या शाळेतील विद्यार्थ्यांनी सूर्यनमस्कार घातले.
थेरगाव येथील महापालिकेच्या माध्यमिक विद्यालयात आज सकाळी आठ वाजता सूर्यनमस्काराची जनजागृती करण्यात आली. या कार्यक्रमाचे उद्‌घाटन महापौर नितीन काळजे यांच्या हस्ते करण्यात आले. यावेळी नगरसेवक कैलास बारणे, शाळेचे पर्यवेक्षक चंद्रशेखर कदम, क्रीडा भारतीचे शेखर कुलकर्णी, योग प्रशिक्षक माया चत्तुर,  गीतांजली देशपांडे आदी उपस्थित होते.
यावेळी महापौर नितीन काळजे म्हणाले,  सूर्यनमस्कार घातल्याने आरोग्य तंदुरुस्त राहते. आकलन क्षमता वाढते. बुद्धी वाढण्यास मदत होते. मनाची एकाग्रता वाढते. आजच्या धकाधकीच्या जीवनात प्रत्येक जण आरोग्याची काळजी घेण्यास विसरत आहे.  तसे न करता प्रत्येकाने आपल्या आरोग्याची काळजी घेतली पाहिजे.
नगरसेवक कैलास बारणे म्हणाले की,  पिंपरी-चिंचवड महापालिकेच्या शाळेतील विद्यार्थ्यांचे आरोग्य चांगले रहावे, त्यांची बुद्धीक्षमता वाढावी यासाठी विद्यार्थ्यांनी सूर्यनमस्कार करावा.  जूनपासून या योगाची सुरुवात करावी. सध्या परिक्षांचा काळ  असल्याने जूनमध्ये सूर्यनमस्कार घालण्यासाठी योग्य ती जागा उपलब्ध करुन देण्यात येईल, असे आश्वासन त्यांनी दिली.
यावेळी गीता देशपांडे व माया चत्तुर यांनी सूर्यनमस्काराचे प्रात्याक्षिके विद्यार्थ्यांना यावेळी करुन दाखविले. शेखर कुलकर्णी यांनी यावेळी मनोगत व्यक्त केले. कार्यक्रमाचे प्रास्ताविक रामकृष्ण पालमकर यांनी केले. सूत्रसंचालन रामेश्वर पवार यांनी केले.