ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

... आता ३०२ चा गुन्हा कोणावर दाखल करायचा – मुंडे

चिंचवड, दि. २८ - शेतक-यांचा सातबारा कोरा करू, कर्जमुक्त करणार अशी खोटी आश्वासने देऊन सत्तेत आलेल्या भाजपच्या काळात शेतक-यांच्या आत्महत्या वाढल्या आहेत. सरकार पूर्णपणे अपयशी ठरले आहे. विरोधात असताना मुख्यमंत्री देवेंद्र फडणवीस यांनी शेतक-यांच्या आत्महत्येला सरकार जबाबदार असल्याचे सांगत सरकारवर खूनाचा गुन्हा दाखल करा, असे सांगत होते. भाजपच्या काळात शेतक-यांच्या आत्महत्या जास्त झाल्या असून आता कोणावर खूनाचा गुन्हा दाखल करायचा असा सवाल, विधान परिषदेचे विरोधी पक्षनेते धनंजय मुंडे यांनी उपस्थित केला 

भाजपची दोन दिवसीय कार्यकारिणी परिषद चिंचवड येथील प्रा. रामकृष्ण मोरे प्रेक्षागृहात पार पडली. यानिमित्त विरोधी पक्षांनी तसेच सामाजिक संस्था, संघटनांनी एकत्र येऊन राज्यातील प्रलंबित प्रश्नांचे सरकारला आकलन करून देण्यासाठी शिवसेनेचे मारुती भापकर यांच्या नेतृत्वाखाली चिंचवड स्टेशन चौकात दोन दिवसीय आंदोलन केले. या आंदोलनाची सांगता करताना विधानपरिषधेचे विरोधी पक्षनेते धनंजय मुंढे बोलत होते. यावेळी माजी आमदार विलास लांडे, राष्ट्रवादीचे शहराध्यक्ष संजोग वाघेरे, नगरसेवक विठ्ठल काटे, मोरेश्वर भोंडवे, फजल शेख, विजय लोखंडे, नागरी हक्क सुरक्षा समितीचे अध्यक्ष मानव कांबळे, विरोधी पक्षांचे पदाधिकारी तसेच सामाजिक संस्था, संघटनांचे अध्यक्ष आदी उपस्थित होते. 

अनधिकृत बांधकामे, शास्ती कर, शेतकरी कर्ज मुक्ती, सातबारा कोरा करणे, मराठा-धनगर-मुस्लीम आरक्षण असे अनेक प्रश् सोडविण्याचा शब्द देणारे बोलघेवडे मुख्यमंत्री दिलेला शब्द पाळत नाहीत. अनधिकृत बांधकामांचा प्रश् सोडविण्यात आल्याची घोषणा स्वतः मुख्यमंत्र्यांनी केली. परंतु, त्याची अंमलबजावनी करता पिंपरी-चिंचवडकरांचा विश्वासघात केला. तरीही, चिंचवडमध्ये भाजपची कार्यकिरणी घेऊन पेढे वाटप केले, असे धनंजय मुंडे म्हणाले