ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

भावनाशील लोकांना पुतळे हवेत, मूलभूत सुविधा नकोत - असीम सरोदे

चिंचवड, दि. २९ - आज शिवाजी महाराज असते, तर कोट्यवधी रुपये खर्च करून अरबी समुद्रात पुतळा उभारण्यासाठी त्यांनी स्वतःच विरोध केला असता. परंतु इथल्या भावनाशील लोकांना मूलभूत सुविधांऐवजी पुतळे हवे आहेत, असे प्रतिपादन सुप्रसिद्ध विधिज्ञ असीम सरोदे यांनी केलेचापेकर चौक, चिंचवड येथील हुतात्मा चापेकर स्मारक उद्यान येथे गांधी पेठ तालीम मित्र मंडळ आयोजित पाच दिवसीय जिजाऊ व्याख्यानमालेचे तृतीय पुष्प गुंफताना 'नागरिक शास्त्राचे पर्यावरण'  या विषयावर असीम सरोदे बोलत होते 

यावेळी ज्येष्ठ विधिज्ञ मिलिंद पवार अध्यक्षस्थानी होते, तसेच बाळासाहेब मरळ, मुख्य संयोजक राजाभाऊ गोलांडे, मंडळाचे सचिव गजानन चिंचवडे, सामाजिक कार्यकर्ते प्रदीप पवार आदी उपस्थित होते 

असीम सरोदे म्हणाले पुढे म्हणाले की, नुसते उंच झेंडे लावले आणि करोडो रुपये उधळून पुतळे उभारले, की सर्वसामान्य माणसांच्या जगण्यात कोणता फरक पडतो? परंतु असा प्रश्न विचारण्याची कोणी हिंमत करू शकत नाही. असे प्रश्न विचारणा-यांचा सतीश शेट्टी, दाभोळकर, पानसरे केला जातो. हजारो कोटी रुपये खर्चून सरदार वल्लभभाईंचा पुतळा उभारला जातो; कारण इथल्या भावनाशील लोकांना पुतळे हवेत, मूलभूत सुविधा नकोत, हे राजकीय पक्षांनी केव्हाच ओळखले आहे. 

 'अतुलनीय भारत' यासारख्या फसव्या जाहिराती केल्या जातात. नागरिकांकडून कररूपाने गोळा झालेल्या पैशातून मोठे बॅनर लावले जातात; पण अशा प्रतिकात्मक पद्धतीने देशप्रेम व्यक्त केल्याने लोकशाही सुदृढ होत नाही किंवा समाजातल्या शेवटच्या घटकांपर्यंत विकास पोहचत नाही. ज्या देशांमध्ये देव आणि धर्म रस्त्यावर आणले जातात, ते देश जगात मागासलेले आहेत. लोकशाहीत नागरिकशास्त्राचे खूप महत्त्व आहे. लोकांचे हक्क, कर्तव्ये आणि जबाबदा-या स्पष्ट करणारा हा समाजशास्त्रीय विषय आहे. नागरिकशास्त्राचे पर्यावरण म्हणजे सामान्य नागरिक हा जागरूक, सक्रिय झाला पाहिजे. राजकीय पक्ष आपले हेतू साध्य करण्यासाठी मोर्चे, आंदोलने करून विध्वंसक कारवाया करतात; आणि सर्वसामान्य लोकांना वेठीस धरतात. अशावेळी ठाम भूमिका घेऊन प्रश्न विचारले पाहिजेत Posted On: 29 April 2017