ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

स्मार्ट सिटीसाठी पिंपरी महापालिका एसपीव्ही स्थापन करणार

चिंचवड, दि. १० - स्मार्ट सिटीत तिस-या फेरीमध्ये पिंपरी-चिंचवड शहराच्या समावेशाची औपचारिकता शिल्लक आहे. दरम्यानच्या काळात 'पॅन' सिटीचा आराखडा तयार करण्यात येईल. तसेच स्मार्ट सिटीसाठी विशेष हेतू वाहन (स्पेशल पर्पज व्हेईकल - एसपीव्ही) स्थापन करण्यात येणार आहे, अशी माहिती महापालिका आयुक्त श्रावण हर्डीकर यांनी दिली.

तिस-या टप्यात पिंपरी-चिंचवड शहराचा केंद्र सरकराच्या बहुचर्चित स्मार्ट सिटी योजनेत समावेश झाला आहे. केंद्रीय नगरविकास मंत्री व्यंकय्या नायडू यांनीच याबाबतची घोषणा केली. त्यामुळे स्मार्ट सिटीच्या कामाला चालना मिळाली आहे.

या पार्श्वभूमीवर पत्रकारांशी बोलताना आयुक्त हर्डीकर म्हणाले की, आपण नागपूर महापालिकेचे आयुक्त असताना नागपूर शहराचा स्मार्ट सिटीत समावेश झाला. त्यामुळे आपल्याला त्याचा अनुभव आहेउशीरा का होईना पिंपरी महापालिकेचा स्मार्ट सिटीत समावेश झाला असला तरी आपण जलदगतीने पुढे जावू. स्मार्ट सिटीचा बृहत आराखडा तयार करण्यासाठी सल्लागाराच्या नेमणुक करण्यात येणार आहे. एसपीव्ही स्थापन करण्याबाबतचा प्रस्ताव महापालिका सभेला दिला आहे. 

स्मार्ट सिटी योजनेत हजार कोटी रुपयांचे प्रकल्प राबविण्याचे नियोजन आहे. स्मार्ट सिटी प्रकल्पात विविध कामांना केंद्र सरकाराचे ५०० कोटी रुपयांचे, राज्य सरकारचे २५० कोटी रुपयांचे अनुदान मिळणार आहे. तर, पिंपरी-चिंचवड महापालिकेला २५० कोटी रुपये स्वहिस्सा खर्च करावा लागणार असल्याचे, आयुक्त हर्डीकर यांनी सांगितले.