ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

रिक्षावाल्याचा प्रमाणिकपणा, साडे तीन लाखांचे दागिने केले परत

चिंचवड, दि. १९ - पिंपरी चिंचवडमधील देहूरोडमध्ये रिक्षावाल्याच्या प्रामाणिकतेची प्रचिती आली. रिक्षाचालक वसीम शेख यांनी प्रवासी महिलेचे साडे तीन लाखांचे दागिने परत केले आणि प्रमाणिकपणा अजूनही टिकून असल्याचे दाखवून दिले. गुरुवारी रात्री आठच्या सुमारास वसीम शेख हे देहू रोडजवळील शेलारवाडी येथील भेगडे कुटुंबीयांना एका रुग्णालयातून घेऊन निघाले होते. भेगडे यांना घरी जाण्यापूर्वी आणखी एक काम पूर्ण करायचे असल्याने त्या मध्येच उतरल्या. मात्र, त्यांच्या बॅगांपैकी सोन्याचे दागिने असणारी बॅग ते रिक्षात विसरल्या. अगदी पाच मिनिटांनी त्यांच्या लक्षात येताच त्यांनी वसीमची शोधमोहीम सुरु केली.

स्थानिकांच्या मदतीने भेगडे यांनी प्रत्येक रिक्षावाल्याकडे विचारपूस सुरु केली. सुदैवाने वसीम एका ठिकाणी सापडला असता त्याने भलत्याची बॅग समजून त्रयस्थ व्यक्तीला दिली होती. मात्र, प्रामाणिक वसीमला त्या व्यक्तीचा पत्ता माहित असल्याने त्याने तातडीने त्रयस्थ व्यक्तीचं घर गाठलं. बॅग घेतली आणि त्या महिलेला सुपूर्द केली. बॅग पाहताच क्षणी महिलेला अश्रू अनावर झाले. महिलेसह स्थानिकांनी वसीमच्या प्रामाणिकपणाचे कौतुक केले. प्रामाणिकपणावरचा विश्वास उडावा अशा घटना आजूबाजूला घडत असताना, वसीम शेख या रिक्षावाल्याने प्रामाणिकपणा अजूनही जिवंत असल्याचेच दाखवून दिले आहे.