ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

वजन वाढविण्यासाठी कच-यात भरली माती, नगरसेविकेने आणला प्रकार उघडकीस

चिंचवड, दि. २६ - पिंपरी-चिंचवड शहरातील घरोघरचा कचरा गोळा करणा-या ठेकेदाराने वजन वाढविण्यासाठी डंपरमध्ये चक्क माती भरल्याचा धक्कादायक प्रकार आज (गुरुवारी) उघडकीस आला. निगडीच्या नगरसेविका कमल घोलप यांनी या प्रकरणाचा भांडाफोड केला आहे. मातीने भरलेला डंपर महापालिकेत आणला आहे.

घरोघरचा कचरा गोळा करणारा (एम.एच १२, आरए ९००३) हा डंपर निगडी, ओटास्कीम येथून वजन वाढविण्यासाठी डंपरमध्ये गेल्या अनेक दिवसांपासून माती भरत होता. हा प्रकार नगरसेविका कमल घोलप यांच्या निदर्शनास आला. गुरुवारी कचरा गोळा करणारे कर्मचारी निगडी येथे डंपरमध्ये माती भरत होते.

कमल घोलप यांनी त्यांच्याकडे डंपरमध्ये माती का भरतात, असे विचारले असता. त्यांनी गोलमाल उत्तरे दिली. त्यानंतर हा डंपर त्यांनी महापालिकेत आणला आहे. अतिरिक्त आयुक्त तानाजी शिंदे, आरोग्य अधिकारी मिनीनाथ दंडवते यांना या प्रकरणाची त्यांनी माहिती दिली आहे.

डंपरमध्ये ७० टक्के माती भरली जाते आणि दाखविण्यासाठी वरती थोडा कचरा टाकला जातो. वजन वाढविण्यासाठी ठेकेदाराने डंपरमध्ये विविध जड वस्तूही ठेवल्या होत्या. '' क्षेत्रीय कार्यालयाअंतर्गत परिसरातील घरोघरचा कचरा गोळा करण्यासाठी सहा गाड्या आहेत. या ठेकेदारावर कडक कारवाई करून काळ्या यादीत टाकण्यात यावे. तसेच या डंपरचे वजन किती आहे, याची माहिती घेऊन त्यांच्याकडून दंडाची रक्कम वसूल करण्याची मागणी, नगरसेविका कमल घोलप, नगरसेवक उत्तम केंदळे यांनी केली आहे.