ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

एकाच गुरुचे दोघे शिष्य असलो तरी कामाची भूमिका महत्वाची - पंकजा मुंडे

चिंचवड, दि. ८ - साहेबांना जसे विरोधक त्रास देत तसेच मलाही देतात. उलट एकाच गुरुचे दोन शिष्य असल्यामुळे लढणे अवघड आहे. मात्र, शिष्य एकाच गुरुचे असलो तरी त्यातील कामाची भूमिका महत्वाची आहे, असे नाव घेता राज्याच्या महिला बालकल्याण तसेच ग्रामविकास मंत्री पंकजा मुंडे यांनी विधानसभेचे विरोधी पक्षनेते धनजंय मुंडे यांना टोला लगावला.

वंजारी महासंघातर्फे चिंचवड येथील रामकृष्ण मोरे सभागृहात वंजारी समाजातील पोलीस उपनिरीक्षकपदी निवड झालेल्या समाज बांधवांचा उच्च पदस्थ व्यक्तींच्या गुणगौरव सोहळ्याचे आयोजन करण्यात आले होते. यावेळी आमदार महेश लांडगेपिंपरी-चिंचवड महापालिकेचे अतिरिक्त आयुक्त अच्यूत हांगे, महाराष्ट्र बारकाऊन्सिलचे अध्यक्ष सुधाकर आव्हाड, पिंपरी- चिंचवड भाजपचे माजी शहराध्यक्ष सदाशिव खाडे, उमा खापरे, नगरसेवक मोरेश्वर शेडगे, वंजारी महासंघ महाराष्ट्र राज्याचे अध्यक्ष गणेश खाडे, माहिला प्रदेशाध्यक्षा स्वाती मोराळे आदी उपस्थित होते.

यावेळी बोलताना पंकजा मुंडे म्हणाल्या की, साहेब गेल्यानंतर बुडत्या जहाजातून उंदीर पळून जावे तसे जवळचे लोक पळून गेले. त्यामुळे जे साहेबांचे शत्रू होते तेच आजही माझे शत्रू आहेत. त्यात आम्ही एकाच गुरुचे शिष्य असल्याने लढणे अवघड आहे. मात्र, यातूनही शिष्य म्हणून योग्य भूमिकाही मांडणे महत्वाचे आहे. यामध्ये केवळ शिक्षण घेऊन उपयोग नाही, असा टोलाही मुंडे यांनी धनंजय मुंडे यांना मारला.

तसेच त्यांच्या हस्ते  पोलीस उपनिरीक्षकपदी निवड झालेल्या ५० वंजारी समाजाच्या तरुणांचा सत्कार करण्यात आला. यावेली बोलताना मुंडे म्हणाल्या की, आज आपला समाज परीक्षेमध्ये आरक्षण नसताना ५० जागा मिळवतो. ही वंजारी समाजाच्या बुद्धीमत्तेची एकप्रकारे पावतीच आहे. मात्र, एवढे यश मिळवत असताना समाजातील एका तरी गरजूला आधार द्या जेणेकरून तेही तुमच्याप्रमाणे यशस्वी होतील, असे मतही त्यांनी यावेळी व्यक्त केले.

यावेळी यशस्वी तरुणांचे तसेच वंजारी समाजातील उच्चपदस्थ व्यक्तींचे मानचिन्ह एक रोपटे देऊन सत्कार करण्यात आला.

कार्यक्रमामध्ये अपेक्षित उपस्थिती Posted On: 08 June 2017