ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

रक्ताच्या नात्यापेक्षा शिवरायांच्या विचारांचा आदर्श ठेवा - युवराज संभाजीराजे

चिंचवड, दि. १२ - छत्रपती शिवाजी महाराजांचा केवळ जयजयकार आणि उत्सव साजरा करुन भागणार नाही. तर, शिवरायांचे काम समाजासमोर आणणे आवश्यक आहे. शिवाजी महाराजांनी गड-किल्ल्यांची केलेली उभारणी आणि त्यांचे काम याचा अभ्यास व्हायला हवा. आमचे शिवाजी महाराजांशी जरी रक्ताचे नाते असले, तरी त्या रक्ताच्या नात्यापेक्षा त्यांच्या विचारांचा आदर्श डोळ्यासमोर ठेऊन आम्ही वाटचाल करु, असे प्रतिपादन कोल्हापूरचे खासदार युवराज छत्रपती संभाजीराजे यांनी केले. 

लाईफ (लाईक-माईंडेड इनिशिएव्ह फॉर एम्पॉवरमेंट) संस्थेतर्फे आयोजित युवा महोत्सवांतर्गत लाईफ स्फूर्ती सन्मान २०१७ पुरस्कार समारंभात ते बोलत होते. यावेळी सनबीम एज्युकेशनल इन्स्टिटयूटचे अध्यक्ष सारंग पाटील, सोपान कुंजीर, पोपटराव कटके, संदेश दांगट, लक्ष्मणराव कोंढाळकर, लाईफ संस्थेचे संस्थापक अध्यक्ष ओंकार कोंढाळकर, आदित्य जोशी, प्रज्वल कोंढरे उपस्थित होते. 

यंदाचे पुरस्कार ज्येष्ठ सामाजिक कार्यकर्ते गिरीश प्रभुणे, पोलीस उपायुक्त डॉ. प्रवीण मुंढे, क्विक हिलचे संस्थापक कैलास काटकर, शिवजयंती महोत्सव समितीचे अध्यक्ष अमित गायकवाड, जाधवर इन्स्टिटयूटचे उपाध्यक्ष शार्दुल जाधवर आणि धनश्री ग्रुपचे संचालक राजेंद्र जानराव यांना प्रदान करण्यात आले. तसेच विशेष युवा सन्मान कर्तव्य फाऊंडेशन जालनाचे श्याम वाढेकर, युवा व्याख्याते सचिन पवार आणि बीडमधील पंचायत समिती सदस्या पूजा मोरे यांना प्रदान करण्यात आला.