ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

वारकऱ्यांना देण्यात येणाऱ्या ताडपत्री खरेदीत भ्रष्टाचार, विरोधकांचा आरोप

चिंचवड, दि. १६ - पारदर्शक आणि भ्रष्टाचारमुक्त कारभाराचा नारा देत पिंपरी-चिंचवड महापालिकेत सत्ताधीश झालेल्या भाजपच्या राजवटीतही आषाढीवारीत सहभागी होणा-या वारक-यांना देण्यात येणा-या भेटवस्तूत भ्रष्टाचार झाल्याचा आरोप विरोधकांनी आज पत्रकार परिषदेत केला.

बाजापेठेत हजार ४०० रुपयांना मिळणारी ताडपत्री भाजपने हजार ४१२ रुपयांना खरेदी करून २२ लाखांच्या निविदेत सुमारे साडेसहा लाखांचा गैरव्यवहार केल्याचे उघड झाले आहे. दर पृथ्थकरण आणि निकोप स्पर्धा करताच निविदा प्रक्रिया राबविण्यात आली. त्याची चौकशी करावी, बाजारभावापेक्षा अधिक दराने खरेदी करून करदात्या जनतेच्या पैशाची लूट करणा-यांवर कडक कारवाई करण्याची मागणी, राष्ट्रवादी काँग्रेस, शिवसेना आणि मनसे या विरोधी पक्षांनी केली आहे.

पिंपरी-चिंचवड महापालिकेच्या वतीने आषाढीवारीतील दिंडी प्रमुखांना दरवर्षी भेटवस्तू दिली जाते. गेल्यावर्षी विठ्ठल -रूक्मिणी मूर्ती खरेदीत गैरव्यवहार झाल्याचा 'जावई' शोध भाजपने लावला होता. यावरून तत्कालीन सत्ताधारी राष्ट्रवादी काँग्रेसला भाजपने कोंडीत पकडत आरोपांची राळ उठविली होती. त्यानंतर राष्ट्रवादीने चौकशी समिती नेमली होती. परंतु, चौकशी समितीच्या अहवालात कोणत्याही प्रकारचा आर्थिक गैरव्यवहार झाला नसून केवळ अनियमितता झाल्याचे उघड झाले होते. मात्र, हा भावनिक मुद्दा अधिकच गाजल्याने महापालिकेतील सत्ता राष्ट्रवादीला गमवावी लागली.

पिंपरी-चिंचवड महापालिकेत एकहाती सत्ता द्या, आम्ही पारदर्शक आणि भ्रष्टारामुक्त कारभार करू, असे आवाहन भाजपने शहरवासियांना केले. शहरवासियांनी त्यांच्या आवाहनाला साथ देत भाजपला एकहाती सत्ता दिली. परंतु, तीन महिन्यानंतर भाजपचे खरे रूप बाहेर यायला लागले आहे. आषाढीवारीतील सहभागी होणा-या वारक-यांना देण्यात येणा-या भेटवस्तूत भाजपने भ्रष्टाचार केल्याचा विरोधकांनी पुराव्यासह माध्यमांसमोर उघड केले आहे.

महापालिकेच्या वतीने दिंडी प्रमुखांना यावर्षी भेटवस्तू म्हणून ताडपत्री भेट देण्याचे ठरले. त्यानंतर शंभर टक्के वॉटर प्रुफ, नऊ बाय पंधरा अशी १३५ चौरस फूट साईज, कॅनव्हास केमीकल प्रोसेस, आयएसआय मार्किंग, असे स्पेसिफिकेशन देण्यात आले होते. एकूण ६५० ताडपत्री घेण्यासाठी पहिली निविदा २६ मे रोजी प्रसिद्ध केली. तिची मुदत सात दिवसांची होती. त्यात एकही ठेकेदार आला नाही. त्यानंतर २ जूनला दुस-यांदा निविदा प्रसिद्ध झाली. त्यात एक जणाने निविदा सादर केली.

त्यानंतर पुन्हा मुदतवाढ देण्यात आली. त्यावेळी रेखा इंजिनियरिंग, सिद्धी कॉपीयर्स, एमपी इंजिनियरिंग, धर्मे इंटरप्रायजेस, माणिकचंद हाऊस अशा पाच जणांनी निविदा सादर केल्या. त्यापैकी अधिकृत वितरकाचे प्रमाणपत्र नाही, असे सांगून तिन ठेकेदारांना अपात्र ठरविण्यात आले. त्यापैकी सिद्धी कॉपीयर्सने हजार ४१२ रुपये आणि