ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

रिंगरोड बाधितांचा प्राधिकारण कार्यालयावर दिंडी मोर्चा

निगडी, दि. ३० - पिंपरी-चिंचवड नवनगर विकास प्राधिकरण (पीसीएनटीडीए) यांच्या वतीने गेल्या दिवसात रिंगरोडच्या आराखड्यात येणाऱ्या घरांवर दुकानांवर बांधकाम पाडण्याच्या नोटीस लावल्या जात आहेत. त्या विरोधात आज (शुक्रवारी) नागरिक व्यापाऱ्यांनी घर बचाओ संघर्ष समितीच्या वतीने निगडीतील प्राधिकरण कार्यालयावर दिंडी मोर्चा नेला आहे.

यामध्ये शेकडोच्या संख्येने नागरिक व्यापारी सहभागी झाले. त्यांनी हातात पताका-टाळ-तूळस अशी विठ्ठलाची दिंडीच कार्यालयाच्या गेटवर आणली. प्राधिकरण कार्यालयाच्या सुरक्षा रक्षकांनी कार्यालयाचे मुख्य प्रवेशद्वार बंद केल्याने सकाळी साडेनऊ पासून पडत्या पावसात लोक रस्त्यावरच विठूनामाचा गजर करत बसले. प्राधिकरण कार्यालयाकडून लावण्यात आलेल्या अतिक्रमणाच्या नोटीस मागे घ्याव्यात, आमच्या हक्काची घरे दुकाने आम्ही पाडू देणार नाही, अशी भूमिका घर बचाओ संघर्ष समितीचे अध्यक्ष विजय कुमार पाटील यांनी मांडली.

दिंडी मोर्चा कार्यालयाच्या जवळ येताच कार्यालयाचे मुख्य प्रवेशद्वार बंद करण्यात आले असल्याने आता प्रशासनानेच खाली येऊन आमचे निवेदन स्वीकारावे. आम्ही कार्यालयात जाणार नाही, असे रेखा भोळे यांनी सांगितले. बराच वेळ गेल्यानंतर पीसीएनटीडीएच्या मुख्य कार्यकारी अधिकाऱ्यांना मुख्य प्रवेशद्वारावर मागण्यांचे निवेदन देण्यात आले. अधिकाऱ्यांनी कारवाईबाबत कोणत्याही प्रकारचा खुलासा केला नसून आंदोलनकर्ते अजूनही न्यायाच्याच प्रतीक्षेत आहेत.