ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

घरात मांजर शिरले म्हणून म्हाळुंगेत महिलेचा खून, चौघांना अटक

म्हाळुंगे, दि. ३ - घरात शिरलेले मांजर फेकून दिल्याच्या कारणावरून महिलेला बेदम मारहाण करून तिचा खून करण्यात आला. हे घटना म्हाळुंगे येथील शिवाजी पाडळे यांच्या चाळीत काल, रविवारी रात्री नऊच्या सुमारास घडली. या प्रकरणी चार आरोपीना अटक करण्यात आली आहे.

शेजारी असलेल्या महिलेच्या घरात आरोपीचे मांजर शिरले होते, त्या महिलेने ते घरातून फेकून दिले, याच कारणावरून महिलेला, काठ्यांनी, पीव्हीसी पाईपने मारहाण करण्यात आली. यामध्ये प्रभा मोहन रंगपीसे (वय ४० रा. शिवाजी पाडळे चाळ, खोली नं २४ ही महिला गंभीर जखमी होऊन तिचा मृत्यू झाला. महिला आणि आरोपी यांच्यात अगोदरचे वाद होते.

या प्रकरणी पोलिसांनी अमोल संदीपान बालगुडे , गणेश उर्फ भैया श्रीमंत पाटील, आकाश राजेश मोंडे, राजू नंदकिशोर साळवे ( सर्वजण  रा. म्हाळुंगे ) या चौघांना अटक केली आहे. या प्रकरणी अजय मोहन रंगपीसे ( वय- २७ ) यांनी हिंजवडी पोलीस ठाण्यात फिर्याद दिली आहे.

फिर्यादी अजय रंगपीसे याची बहीण सारिका दादू खलसे हिचे मांजर तिच्या शेजारी राहणाऱ्या राजू नंदकिशोर साळवे याच्या घरात शिरले होते. ते मांजर त्याने घराच्या बाहेर फेकून दिल्याच्या कारणावरून दादू खालसे हे जाब विचारण्यासाठी गेले. त्यावरून आरोपीनी लाथाबुक्क्यांनी, पीव्हीसी पाईपने बेदम मारहाण करण्यास सुरुवात केली. यावेळी मध्ये फिर्यादीची आई प्रभा मोहन रंगपीसे या मध्ये पडल्या. तिच्या डोक्यात व पाठीवर गणेश उर्फ भैया पाटील याने बांबूने मारहाण केली. त्यामध्ये प्रभा रंगपीसे या मृत झाल्या. मृत महिला आणि आरोपी यांच्यात अगोदरचे वाद होते अशी माहिती पुढे आली  आहे.

पुढील तपास सहायक पोलीस निरीक्षक  न्यामणे करीत आहेत.