ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

पालिकेतील पराभवानंतर पहिल्यांदाच अजितदादा येणार

चिंचवड, दि. ४ - पिंपरी-चिंचवड महापालिकेतील राष्ट्रवादीचा पराभव माजी उपमुख्यमंत्री अजित पवार यांच्या चांगलाच जिव्हारी लागला. तेव्हापासून ते आजपर्यंत पिंपरी-चिंचवडमध्ये फिरकले देखील नाहीत. पालिकेतील सत्ता गेल्यानंतर तब्बल पाच महिन्यांनी प्रथमच संघटना बांधण्यासाठी अजितदादा शहरात येणार आहेत. त्यामुळे पवार कार्यकर्त्यांना काय मार्गदर्शन करणार याकडे सगळ्यांचे लक्ष लागले आहे.

पक्ष संघटना बांधणीसाठी अजित पवार, राष्ट्रवादीचे प्रदेशाध्यक्ष सुनील तटकरे राज्यभर दौरा करत आहेत. सिंधुदुर्गपासून ३० जूनला त्यांच्या दौ-याला सुरुवात झाली आहे. रत्नागिरी, कोल्हापूर, सांगली, सातारा, पुणे, पिंपरी-चिंचवड, अहमदनगर असा त्यांचा दौरा सुरु आहे.

जुलै रोजी पुणे शहर आणि पुणे जिल्ह्याची आढावा बैठक होणार आहे. चिंचवड, येथील प्रा. रामकृष्ण मोरे सभागृहात ६ जुलै रोजी सकाळी १० ते ५ या वेळेत राष्ट्रवादीचा कार्यकर्ता मेळावा होणार आहे. या मेळाव्याला प्रदेशाध्यक्ष आमदार सुनील तटकरे, माजी मंत्री व आमदार दिलीप वळसे-पाटील, महिला संघटनेच्या प्रदेशाध्यक्षा चित्रा वाघ, युवकचे प्रदेशाध्यक्ष संग्राम कोते-पाटील उपस्थित राहणार आहेत, असे राष्ट्रवादीचे शहराध्यक्ष संजोग वाघेरे यांनी सांगितले.

गेल्या पंधरा वर्षापासून पिंपरी-चिंचवड महापालिकेत राष्ट्रवादीची एकहाती सत्ता होती. परंतु, फेब्रुवारी २०१७ मध्ये झालेल्या पिंपरी महापालिका निवडणुकीत राष्ट्रवादीला दारुण पराभव सहन करावा लागला. हा पराभव राष्ट्रवादीच्या आणि अजित पवार यांच्या चांगलाच जिव्हारी लागला.

महापालिकेची निवडणूक होऊन महिने होत झाले. परंतु, पवार एकदाही पिंपरी-चिंचवड शहरात आले नव्हते. पिंपरी-चिंचवडमध्ये तर पक्षाला कोणीच वाली नसल्याचे चित्र आहे. राष्ट्रवादी काँग्रेस महिला अध्यक्षपद, युवक अध्यक्षपद गेल्या अनेक दिवसांपासून रिक्त आहे.