ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

कंत्राटी कामगारांचा पीएफ न भरणा-या संस्थेच्या अध्यक्षावर गुन्हा

चिंचवड, दि. १५ - कंत्राटी कामगारांची भविष्य निर्वाह निधीची (पीएफ) रक्कम त्यांच्या खात्यात भरणा-या देव स्वयंरोजगार सेवा सहकारी संस्थेच्या अध्यक्षासह दोघांवर भोसरी पोलीस ठाण्यात गुन्हा दाखल करण्यात आला आहे. संस्थेचे अध्यक्ष सचिन पंढरीनाथ काळे (वय ४२) आणि संस्थेचे प्रतिनिधी अशोक थोरात (दोघे, रा. चिंचवड) यांच्याविरोधात गुन्हा दाखल करण्यात आला आहे. याप्रकरणीक्षेत्रीय कार्यालयाचे क्षेत्रिय अधिकारी चंद्रकांत इंदलकर यांनी भोसरी पोलीस ठाण्यात फिर्याद दिली आहे.

पिंपरी-चिंचवड महापालिकेच्या “इ” क्षेत्रीय कार्यालयाच्या हद्दीतील रस्ते आणि गटर साफसफाईचे काम खासगी ठेकेदारांकडून करून घेण्यासाठी २०१५ मध्ये निविदा प्रक्रिया राबविण्यात आली होती. त्यामध्ये पात्र ठरलेल्या देव स्वयंरोजगार सेवा सहकारी संस्थेला हे काम मिळाले. या ठेकेदार संस्थेने या कामासाठी १२ कंत्राटी कामगार पुरवावेत, असे आदेश महापालिकेने दिले. त्याबाबतचा करारनामा संस्थेचे अध्यक्ष सचिन पंढरीनाथ काळे यांच्यासोबत महापालिकेने केला आहे.

या ठेकेदार संस्थेचे प्रतिनिधी म्हणून अशोक थोरात हे कामकाज पाहत आहेत. महापालिकेने केलेल्या करारनाम्यातील अटी व शर्तीनुसार कंत्राटी कामगारांच्या भविष्य निर्वाह निधीची (पीएफ) रक्कम ठेकेदार संस्थेला अदा केली आहे. महापालिकेने दिलेली रक्कम आणि कामगारांची नियमानुसार ठेकेदाराने भरावयाची रक्कम भविष्य निर्वाह निधी कार्यालयाकडे संस्थेने जमा करणे कायद्याने बंधनकारक आहे.परंतु, काळे व थोरात यांनी कामगारांच्या भविष्य निर्वाह निधीचे पाच लाख २९ हजार ६५८ रुपये त्यांच्या खात्यात न भरता स्वत:च्या फायद्यासाठी वापरुन अपहार केला, असे फिर्यादीत नमूद केले.

गुन्हा दाखल झालेल्या दोघांचा शोध सुरु आहे. त्यांना शोधण्यासाठी एक पथक रवाना झाले आहे, असे भोसरी ठाण्याचे फौजदार तपासी अधिकारी के.के. लांडगे यांनी सांगितले.