ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

अपघातात जखमी म्हशीला मिळाले जीवदान

लोणावळा, दि. १९ - अपघातात जखमी होऊन रस्त्याच्या कडेला मदतीची वाट पाहणाऱ्या एका म्हशीची लोणावळ्याच्या शिवदुर्ग मित्रमंडळाच्या कार्यकर्त्यांनी सुटका केली. तिला पुढील उपचारासाठी जगद्गुरू संत तुकाराम महाराज गोशाळेकडे रवाना केले. मावळातील डोंगरदऱ्यामध्ये अडकलेल्या मुक्या प्राण्यांना जीवदान देण्याचे काम शिवदुर्ग मित्रमंडळाचे कार्यकर्ते मोठ्या आपुलकीने करतात.

शिवदुर्ग मित्रमंडळाचे सदस्य कैलास दाभने यांचा काल सकाळी फोनवरून एका अपघाताची बातमी कळाली. सहारा रोडवर शिवलिंग पॉइंटच्या पुढे सहारा सिटीकडे कर्मचाऱ्यांना घेऊन जाणाऱ्या बसला अपघात झाला आहे. यात कोणालाही दुखापत झाली नाही मात्र एका म्हशीला दुखापत झाल्याचे कळाले.

म्हशीला वाचवण्याचा प्रयत्नात ती बस उलटली. बस मधील सर्व प्रवासी सुखरुप होते. पण बसचा धक्का लागल्यामुळे म्हशीला पाठीमागे मुकामार बसून तिचा पाय मोडला होता. त्यामुळे ती जागेवरून उठू शकत नव्हती. बिचारी एकाच ठिकाणी भर पावसात बसून मदतीची वाट पाहत होती.

कैलास दाभने त्वरित ही बातमी जगद्गुरू संत तुकाराम महाराज गोशाळेचे रुपेश गराडे यांना फोनवर दिली. लगेचच रुपेश गराडे, भास्कर सावळे,.तुकाराम गराडे अशी गोशाळेची टीम मित्रमंडळाचे कार्यकर्ते सुनील गायकवाड, राजेंद्र कडु ,आनंद गावडे, दिनेश पवार, समीर जोशी, रोहित वर्तक यांनी घटनास्थळी जाऊन म्हशीला मोठ्या प्रयत्नाने व्यवस्थित गाडीत चढवून, प्रथमोपचार करुन गो शाळेकडे रवाना केले. या पूर्वीही शिवदुर्गने विशाळगडावर अडकलेल्या गाईचा प्राण वाचवला होता. त्यांच्या या कामामुळे त्यांचे सर्वत्र कौतुक होत आहे.